SAN MATEO 13:6 - Nuevo Testamento en Quichua Cañar 1996

⁶ Chashna cacpipish chai yuraca mana ucuman sapita charishcamantami, inti llucshishpa rupachicpica chaquircalla.

Dios Rimashcata Quillcashcami

⁶ Chashna cacpipish, chai yuraca mana ucuman sapita charishcamantami, inti rupachicpica chaquirca.

SAN MATEO 13:6 Referans Kwoze

SAN MATEO 13:21

Chashna cashpapish mana ucuta sapiyashca shina cashpami, llaquicuna japicpi, mana cashpaca alli huillaita uyashpa c'aticushcamanta gentecuna p'iñacpica saquincunalla.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

EFESIOS 3:17

Crishcallamanta cancunapac shungupi Cristo causachun, shinallatac cancuna imata ruhuashpapish c'uyaillamanta ruhuachun nishpami mañacuni.

SAN LUCAS 8:13

Rumi allpapi urmashca muyu shinaca, Dios rimashca shimita huillacpi cushilla chasquiccunami. Shina cashpapish mana ucuta sapiyashca shina cashpami, ashacamanlla crincuna. Llaquicuna japicpica, ña mana c'atishun nishpa saquirincunallami.

APOCALIPSIS 7:16

Chaipica yarcaihuanpish yacunaihuanpish ña mana llaquita apangacunachu. Intipish, shuctac ima rupachiccunapish mana rupachingachu.

COLOSENSES 2:7

Cancuna ima shinami yachacurcanguichic, chai shinallatac yura sapiyashca shina Jesusta crishpa, ashtahuan sinchiyashpa, Diostaca pagui nicuichiclla.

SAN MATEO 13:5

Maijan muyuca rumi allpapimi urmarca. Jahualla allpapi cashcamantami utca huiñarca.

SAN MATEO 13:7

Shinallatac maijan muyuca casha chaupipimi urmarca. Casha huiñashpa ñitishpaca aguachircami.

MARCOS 4:6

Chashna cacpipish chai yuraca mana ucuman sapita charishcamantami, inti llucshishpa rupachicpica chaquircalla.