SAN MATEO 13:52 - Nuevo Testamento en Quichua Cañar 1996

⁵² Chashna nicpi Jesusca: —Shinashpaca, jahua pacha Taita Dios mandacucmanta yachachiccuna yachachicpica, shuc taita paipac huasimanta imalla huacaichishpa charishcacunata mushuctapish, maucatapish canzhaman llucchic shinami— nirca.

Dios Rimashcata Quillcashcami

⁵² Chashna nicpimi Jesusca: —Shinashpaca, jahua pacha Dios mandacucmanta yachachicpica, shuc taita paipac huasimanta huacaichishpa charishcacunata mushuctapish, maucatapish canzhaman llucchic shinami— nirca.

SAN MATEO 13:52 Referans Kwoze

TITO 1:9

Shinallatac paica Diosmanta ima shina yachachishca shinallatacmi yachachina can. Cashcata nic huillashcata chashna yachachishpami, shuccunamanpish yuyaita cushpa, “mana chashnachu” niccunatapish upallachinga.

SAN MATEO 12:35

Alli runaca paipac shungupi alli yuyaicuna tiyashcamantami, allicunallata riman. Shinallatac mana alli runaca, paipac shungupi mana alli yuyaicuna tiyashcamantami, mana allita riman.

SAN LUCAS 11:49

Chaimantami Taita Diosca tucuita yachac cashpa, cashna nirca: ‘Ñuca ima nishcata huillaccunatapish, shinallatac ñuca acllashca huillaccunatapish cachashami. Chai cachashcacunamanta maijancunataca huañuchingacunami, maijancunataca mana ricunachishpa llaquichingacunami’ nirca.

SAN MATEO 23:34

Chaimantami Diosmanta huillaccunatapish, alli yachaccunatapish, shinallatac yachachiccunatapish cachagrini. Chashna cachacpipish, cancunaca maijancunataca chacatashpa huañuchinguichicmi. Maijancunataca tandanacuna huasicunapimi macashpa, pueblo pueblota llaquichishpa puringuichic.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuchuan yachachinacushpa, c'atina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Taita Diosta pagui nishpa “allimari cangui” nishpa cantaichic.

COLOSENSES 1:7

Cai alli huillaitaca, ñucanchichuan Diospacta ruhuac c'uyashca Epafras runami yachachirca. Paica Jesucristota alli c'atic cashpami, cancunaman imapish alli cachun allita ruhuacun.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

SAN JUAN 13:34

Mushuc mandashcatami cancunamanca saquini: Caishuc chaishuchuan c'uyanacuichic. Ñuca ima shinami cancunata c'uyani, chashnallatacmi cancunapish c'uyanacuna canguichic.

EFESIOS 3:4

Chai quillcata rizashpami, Jesucristomanta pi mana ricsishcata ñuca yachashcataca yachac chayanguichic.

2 CORINTIOS 6:10

Llaquilla cashpapish, punzhantami cushicunchic. Huacchacuna shina cashpapish, taucacunatami chayucyachinchic. Imata mana charic shina cashpapish, tucuitami charinchic.

1 TIMOTEO 3:6

Chashna cashcamantaca chai pushacca unai cricmi cana can. Pacta jatun tucushpa diablo urmashca shina llaquichishca cangapac urmanman.

SAN MATEO 13:51

Jesús paipac yachacuccunaman tapushpaca: —¿Tucui caicunataca entendinguichicchu?— nicpi, paicunaca: —Ari— nircacuna.

SAN MATEO 13:53

Jesusca chai yuyaita japina parlocunata parlashpaca, chaimanta rircallami.

SAN MATEO 28:19

Chaimanta tucui cai pachapi causaccunapacman rishpa, ñuca yachacuccuna tucuchun yachachigrichic. Paicunataca Taita Diospac, paipac Churipac, Diospac Espiritupac shutipi bautizanguichic.