SAN MATEO 13:35 - Nuevo Testamento en Quichua Cañar 1996

³⁵ Shinaca Diosmanta ñaupa huillac nishca pactachunmi, chashnaca tucurca. Chaipica: “Yuyaita japina parlohuanmi parlasha. Cai pachata ruhuashca punzhamanta pacha, pi mana yachachishcatami huillasha” nishcami.

Dios Rimashcata Quillcashcami

³⁵ Dios ima nishcata huillac nishca pactachunmi, tucuita yachachirca. Chai huillacca: «Chimpapurashca parlohuanmi parlasha. Cai pachata ruhuashca punzhamanta pacha, pi mana yachachishcatami huillasha» nishcami.

SAN MATEO 13:35 Referans Kwoze

EFESIOS 3:9

Tucuita ruhuac Taita Diosca pai imata ruhuasha nicushcataca, ñaupamanta pachami pacashpa charicushca. Chaita huillachunmi ñucamanca mingarca.

1 CORINTIOS 2:7

Ñucanchicca huiñaita sumac llactapi causagrichunmi, pipish mana yachashca, cai pachata Taita Dios manarac ruhuashpa, huacaichishpa charicushca yachaicunata huillacunchic.

SAN JUAN 17:24

Taitalla, cai pacha manarac tiyacpimi, ñucataca c'uyashpa sumacyachishcangui. Chaimantami can cushcacunaca ñuca sumacyachishca cashcata ricuchunca, ñuca maipimi cani chaillapitac paicunapish cachun munani.

SAN MATEO 25:34

Ñuca alli maqui ladoman caccunataca: ‘Ñuca Taita alli nishcacuna, ñucahuan pacta mandangapac shamuichic, japinguichic. Cai mandanataca Diosmi cai pachata ruhuashca punzhamanta pacha, cancunaman cungapac allichishpa charicushca.

EFESIOS 3:5

Ñaupamanca chai mana yachashcataca pimanpish mana ricuchishcami carca. Ashtahuanpish cunanca paipac Espiritumantami Taita Diosca paipaclla cac acllashca huillaccunamanpish, paimanta huillaccunamanpish ricuchishca.

APOCALIPSIS 13:8

Tucui cai pachapi causaccunami chai animaltaca “allimari cangui” ningacuna. Chaicunaca cai pachata Taita Dios ruhuashca punzhamanta pacha huiñaita causangapac quillcachina libropi mana quillcashcachu can. Chai librotaca huañuchishca cac Pactalla Ovejami*f** charicun.

SAN MATEO 13:14

Paicuna chashna cacpimi, Diosmanta ñaupa huillac Isaías huillashcaca pactashca. Pai huillashpaca: ‘Mashnata uyashpapish, mana entendingacunachu. Shinallatac mashnata ricushpapish, mana ricungacunachu.

APOCALIPSIS 17:8

Can ricushca manchana animalca ñaupamanmi tiyarca, cunanca ña mana tiyanchu. Shina cashpapish huiñaita jatun llaquipi chingaringapacllami, ucu pacha jutcumantaca llucshinga. Taita Dios cai pachata ruhuashca punzhamanta pacha, huiñaita causangapac quillcachina libropi mana quillcachishca cai pachapi causac gentecunaca chai utcaman tiyashca, cunanca mana tiyac, cutin shamuna cashca manchana animalta ricushpaca, yallitami manchangacuna.

SAN LUCAS 10:14

Taita Dios taripana punzhapica Tiro pueblopi, Sidón pueblopi causaccunata yallimi, cancunaca llaquichishca canguichic, ninimi.

HECHOS 15:18

Ñaupamanta pacha tucui ima tucuna cashcata huillac Mandac Diosmi, chashnaca nicuni’ ninmi.

HEBREOS 1:1

Ñaupa huatacunapica ñucanchic taitacunamanca, tauca cutinmi ima shinapish paimanta huillaccunata cachashpa, Taita Diosca huillachirca.

SAN MATEO 5:2

Chaipimi Jesusca cashna nishpa yachachi callarirca:

SAN MATEO 13:3

Chaipimi Jesusca yuyaita japina parlocunahuan tauca yachachinacunata cashna nishpa yachachi callarirca: “Shuc tarpuc runami muyuta jichangapac llucshirca.