SAN MATEO 13:17 - Nuevo Testamento en Quichua Cañar 1996

¹⁷ Diosmanta ñaupa huillaccunapish, cashcata ruhuaccunapish, cunan cancuna ricushcataca mashnata ricusha nishpapish, manatac ricurcacunachu. Shinallatac cunan cancuna uyacushcata mashnata uyashun nishpapish, manatac uyarcacunachu. Chaica chashnatacmi.

Dios Rimashcata Quillcashcami

¹⁷ Dios ima nishcata huillaccunapish, cashcata ruhuaccunapish, cunan cancuna ricushcataca ricusha nishpapish mana ricurcachu. Uyasha nishpapish, mana uyarcacunachu. Chaica chashnatacmi.

SAN MATEO 13:17 Referans Kwoze

SAN JUAN 8:56

Cancunapac ñaupa taita Abrahamca ñucata ricuna punzha chayana cashcata yachashpami cushicurca. Ña ricushpaca, ashtahuanmi cushicurca— nirca.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Shina cashpapish paicuna crishcamantami, carullamanta alabaduc shina ricurcacuna. Chashnami shuctac llactamanta caccuna shina cashcatapish, shinallatac cai pachapi puriccunalla shina cashcatapish paicunallatac huillarcacuna.

SAN LUCAS 10:24

Cunan cancuna ricucushcataca, taucacunami Diosmanta ñaupa huillaccunapish, jatun mandaccunapish ricunata munarcacuna. Chashna munashpapish manatac ricurcacunachu. Shinallatac cunan cancuna uyacushcata mashnata uyanata munacushpapish, manatac uyarcacunachu— nirca.

SAN LUCAS 10:23

Chai q'uipami, paipac yachacuccunallaman Jesusca: —Cancunaman ninimi: Maijanpish cancuna ricucushcata ricuccunamanca, ¡mai cushicuimi can!