SAN MATEO 12:25 - Nuevo Testamento en Quichua Cañar 1996

²⁵ Paicuna chashna yuyacushcata yachashpami, Jesusca cashna nirca: —Llactata mandaccunapura p'iñanacushpa, caishuc chaishuc macanacushpaca, tucurinmanllami. Shinallatac pueblopi causaccunapurapish, huasi ucupi causaccunapurapish p'iñanacushpa caishuc chaishuc macanacushpaca, tucurinmanllami.

Dios Rimashcata Quillcashcami

²⁵ Chashna yuyacushcata yachashpami Jesusca: «Shuc llactata mandaccunapura piñanacushpa macanacucpica, chai llactaca tucuringami. Shuc pueblopi, mana cashpaca shuc huasipi causaccunapura piñanacushpa macanacucpica tucuringami.

SAN MATEO 12:25 Referans Kwoze

GÁLATAS 5:15

Cancunaca sacha animalcuna shina caninacushpa, caishuc chaishuc llaquichinacushpaca chingaringuichicmi.

1 CORINTIOS 2:11

Shungupi imata yuyacushcataca gentecunapurallapica pi mana yachanchu, ashtahuanpish paipac shungupi cac espiritullami yachan. Chai shinallatacmi Dios imata yuyacushcataca gentecunaca mana yachan, chaitaca Diospac Espiritullami tucuita yachan.

SAN MATEO 9:4

Ashtahuanpish paicunapac yuyaita Jesús yachashpami, paicunataca: —¿Ima nishpatac cancunapac shungupica, chashna mana alli yuyaicunata charinguichic?

APOCALIPSIS 16:19

Chashna tucucpica, jatun Babilonia puebloca quimsapimi chaupirirca. Shinallatac cai pachapi tiyac tucui pueblocunapish t'uñirircami. Chai jatun Babilonia pueblotaca jayac vinota ubiachic shina p'iñaihuan llaquichingapacmi, Taita Diosca yuyarirca.

HEBREOS 4:13

Taita Dios tucui ruhuashcacunaca paipac ñaupamantaca mana miticuipacmi. Tucui imapish paipac ñaupapica mana pacashcachu. Paimanmi ñucanchicca tucui imatapish huillana canchic.

MARCOS 2:8

Paicuna chashna yuyacucta yachashpami, Jesusca: —¿Ima nishpatac cancunapac shungupica chashna yuyacunguichic?

APOCALIPSIS 2:23

Shinallatac paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcataca yachac chayangacuna. Cancuna imata ruhuacushcata c'atishpami, japina cashcataca cusha.

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca c'uyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta c'uyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.