SAN MATEO 11:29 - Nuevo Testamento en Quichua Cañar 1996

²⁹ Yuguta apac shina, ñuca yachachishcata c'atichic. Ñucaca mana p'iñaric, alli shungumi cani. Shina cacpimi sumac samarinata taringuichic.

Dios Rimashcata Quillcashcami

²⁹ Yugota apac shina, ñucata catichic, ñucamanta yachacuichic. Ñucaca mana piñaric, alli shungumi cani. Samaringuichicmi.

SAN MATEO 11:29 Referans Kwoze

1 JUAN 2:6

Maijanpish “Taita Dioshuan shuc shinallami cani” nishpaca, Jesucristo causashca shinallatacmi causana can.

SAN JUAN 13:15

Cancunapish chashnallatac ruhuachunmi, ñucaca chashna jahuashpa ricuchini.

SAN MATEO 7:24

Maijanpish cai ñuca nishcata uyashpa cazucca, shuc alli yuyaiyuc runa sinchi rumi allpapi huasita ruhuac shinami.

HEBREOS 5:9

Chai shina llaquita apashpa, Taita Dios ima nishcata tucui pactachishpami, maijanpish paita cazuccunapacca huiñaita Quishpichic tucurca.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa imatapish rimaricllashi cani nicucpipish, Cristo llaquishpa c'uyashcamantami cashna nishpa mañani:

SAN MATEO 28:20

Ñuca cancunaman mandashpa yachachishca shinallatac, paicunapish cazuchun yachachinguichic. Ñucaca cai pacha tucuringacamanmi, cancunahuanca casha— nirca.

FILIPENSES 2:5

Jesucristo ima shinami causarca, shinallatac cancunapish causaichic:

SAN MATEO 21:5

“Sión*f** pueblopi causaccunaman cashna nishpa huillaichic: ‘Riquichic, cancunata Jatun Mandacca c'uyai shunguhuanmi burropi montashca cancunapacman shamucun. Paica aparic burropac huahua burritopimi montashca shamucun’ ” nishcami.

2 CORINTIOS 10:5

shinallatac “allimi canchic” nishpa, ama Taita Diosta ricsichun nishpa jarcaccunatapish, tucui chingachinchic. Chashnami tucui gentecunapac yuyaicuna Cristota cazuchun munanchic.

1 TESALONICENSES 4:2

Apunchic Jesús mandashcamanta ñucanchic cancunaman imalla ruhuachun yachachishcataca, cancunallatac ña yachanguichicmi.

SAN JUAN 13:17

Cancuna cai ñuca nishcacunata chashnatac cashcata yachashpa pactachishpaca, mai cushicuimi canguichic.

SAN MATEO 17:5

Pedro chashna nicucpiracmi, yuranlla p'uyu paicunataca quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

2 TESALONICENSES 1:8

Ñucanchic Apunchic Jesusmanta alli huillaita maijanpish mana cazuccunata, shinallatac Diosta mana ricsinata munaccunata llaquichingapacca, nina culun nicuc chaupitami shamunga.

1 CORINTIOS 9:21

Shinallatac Moisés mandashcacunata mana pactachiccunahuan cashpaca, paicuna quishpirichunmi paicuna shina tucuni. Chashna ruhuashpaca, Dios mandashcacunata mana saquishpami, Cristo mandashcata pactachicuni.

HECHOS 7:37

Chai Moisesllatacmi israelcunamanca: ‘Cancunata Mandac Diosca ñucata cachashca shinallatacmi, cancunapuramanta shuc huillacta cachanga. Pai ima nishcata cazunguichic’ nirca.

SAN LUCAS 8:35

Chaita uyac gentecuna Jesuspacman ña chayamushpaca, supaicunata llucchishca, churanatapish churashca, ña alli yuyaihuan Jesuspac ñaupapi tiyacuctami chai runataca ricurcacuna. Chashna ricushpaca, munaimi mancharircacuna.