SAN MATEO 11:11 - Nuevo Testamento en Quichua Cañar 1996

¹¹ Cai pachapi Bautizac Juanmanta yalli alli huillacca manatac tiyashcachu. Chashna cacpipish jahua pacha Taita Dios mandacucpica, yangalla imapish mana cacmi, Juanta atishpa alli nishcaca. Chaica chashnatacmi can.

Dios Rimashcata Quillcashcami

¹¹ Cai pachapica Bautizac Juanmanta yallica manatac tiyashcachu. Chashna cacpipish jahua pacha Dios mandacucpica, yangalla imapish mana cacmi, Juanta yalli alli nishcaca. Chaica, chashnatacmi can.

SAN MATEO 11:11 Referans Kwoze

SAN LUCAS 7:28

Cai pachapica, Bautizac Juanmanta yalli alli huillacca manatac tiyashcachu. Chashna cacpipish jahua pacha Taita Dios mandacucpica, yangalla, imapish mana cacmi Juanta atishpa alli nishcaca. Chaica chashnatacmi can— nirca.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

SAN JUAN 1:15

Paimantami Juanca: “ ‘Ñucapac q'uipa shamucca ñucapac ñaupa ña tiyashcamanta, ñucata atishpa yalli allica can’ nishpa huillarcani. Chai huillashcaca cai runami” nishpa sinchita rimarca.

SAN MATEO 5:19

Chaimanta maijanpish cai mandashcacunamanta uchilla mandashcata mana cazushpa, gentecunaman chashna yachachicca, jahua pacha Taita Dios mandacucpica ashtahuan yanga nishca canga. Maijanpish cai mandashcacunata cazushpa shuccunamanpish yachachicca, jahua pacha Taita Dios mandacucpica alli nishcami canga.

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

SAN LUCAS 9:48

Chashna churashpaca: —Maijanpish cai huahuata shina ñuca shutipi chasquicca, ñucatami chasquin. Shinallatac maijanpish ñucata chasquicca, ñucata cachac Taitatapish chasquinmi. Chaimanta cancunapuramanta maijanpish yangalla nishcami, tucuimanta yalli allica nishca canga— nirca.

1 PEDRO 1:10

Diosmanta ñaupa huillaccunaca allita tapushpa yachashpami, cancunata Dios c'uyashpalla, quishpichina cashcataca huillarca.

HEBREOS 11:40

Paicuna alli cacpipish, Taita Diosca ñucanchicta yuyarishpami, paicunapish ñucanchichuan pacta ama juchanchishca cachun, ashtahuan allita ruhuashca.

1 CORINTIOS 15:9

Chaica ñucami, tucui Jesús acllashca huillaccunamanta yalli yangalla cani. Shinallatac Diospaclla cac tandanacushca criccunata mana ricunachishpa llaquichishcamantaca, mana Jesús acllashca huillac nishcapish cana canichu.

1 CORINTIOS 6:4

Shina cacpica, cai pacha causaipi p'iñanacui tiyashcataca, ¿ima nishpatac juezcunapacmanca allichichun nishpa ringuichicyari? Paicunaca tandanacushca criccunahuanca imata mana ricunata charincunachu.

SAN JUAN 10:41

Chaipica achca gentecunami paipacman shamushpaca: —Juanca pi mana ruhuaipaccunataca mana ruhuarcachu. Shina cacpipish Juan cai runamanta huillashcaca chashnatacmi cashca— ninacurcacunami.

SAN JUAN 3:30

Cunan punzhamanta pachami Quishpichic Jesusca punzhanta ashtahuan alli nishca cana can. Ashtahuanpish ñucaca punzhantami yangalla nishca cana cani— nirca.

SAN JUAN 5:35

Juan huillashcaca shuc micha japirishpa, achicyachicuc shinami carca. Chaitami cancunaca ashacamanlla cushicushpa uyarcanguichic.

SAN JUAN 1:27

Paica ñucapac q'uipatami shamunga. Ñucaca paipac ushuta huatashcallatapish mana pascaipacmi cani— nirca.

SAN JUAN 7:39

Jesús chashna nishpaca, Diospac Espirituta paita criccuna chasquina cashcatami nisha nirca. Jesusta Taita Dios manarac jahua pachaman pushacpimi, Diospac Espirituca manarac shamushca carca.

EFESIOS 2:3

Shinallatacmi tucui ñucanchicpish ñaupaca quiquin munaita ruhuashpa, cai pacha jucha munashcallata, ñucanchic yuyashcallata c'atishpa causarcanchic. Chashna quiquin munashcata c'atishpa juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

2 TIMOTEO 1:10

Chashnami Quishpichic Jesucristota cai pachaman cachashpa, Taita Diosca c'uyac cashcata ricuchirca. Pai quishpirinamanta huillashpa, huañuita chingachirca, shinallatac mana chingarina causaitapish apamurca.

SAN LUCAS 1:15

Taita Diosca paitaca jatun ningami. Paica vinotapish, ima machachic yacucunatapish mana ubiangachu. Mamapac huicsamanta pachami, Diospac Espirituhuan canga.

SAN MATEO 3:1

Chai punzhacunami Bautizac Juanca, Judea llactapi tiyac shitashca pambaman rishpa, huillai callarirca.

SAN MATEO 11:10

Dios quillcachishcapi Juanmanta rimashpaca: ‘Ñucamanta huillactaca, Quishpichic shamuna ñanta allichichunmi, ñaupachishpa cachani’ nicunmi.

SAN MATEO 11:12

Bautizac Juan huillai callarishca punzhamanta cunan punzhacamanmi, jahua pacha Taita Dios mandacucman yaicusha niccunataca, millai gentecunaca llaquichincuna. Chai llaquichiccunaca tucui chingachinata yuyashpami, chashnaca ruhuancuna.