SAN MATEO 1:1 - Nuevo Testamento en Quichua Cañar 1996

¹ Taita Abrahammanta jatun mandac Davidcaman, Davidmanta Jesucristocamanca, Jesucristopac ñaupa taitacunapac shuticunaca caicunami:

Dios Rimashcata Quillcashcami

¹ Taita Abrahammanta jatun mandac Davidcaman causac Jesucristopac ñaupa taitacunaca caicunami:

SAN MATEO 1:1 Referans Kwoze

GÁLATAS 3:16

Chashna cacpica Taita Diosca pai cusha nishcataca taita Abrahammanpish, paipac huahuacunamanpish cusha nishca. Dios quillcachishcapica mana mirarishca achca huahuacunamanchu Diosca cusha nishca, ashtahuanpish Abrahamtaca: “Cambac huahua huahuacunapuramanta shucllamanmi cusha” nishcami. Chaica Cristomi can.

ROMANOS 1:3

Cai alli huillaica Diospac Churi ñucanchicta Mandac Jesucristomantami huillacun. Runa tucungapacca ñaupa mandac Davidpac huahua huahuapuramantami huacharirca.

APOCALIPSIS 22:16

Shinallatac Jesusca: —Ñucaca Jesusmi cani. Ñucami tucui tandanacushca criccunaman huillachun ñuca angelta cacharcani. Ñucami yura retoñac shina, Davidpac aillupuramanta shamushcaca cani. Ñucaca tutamanta llucshic jagan nicuc lucero shinami cani— nirca.

SAN JUAN 7:42

¿Manachu Dios quillcachishcapica: ‘Quishpichic Cristoca mandac Davidpac aillupuramanta, pai huacharishca Belén pueblomanta shamunga’ nin?— nircacuna.

HECHOS 2:30

Davidca Diosmanta huillacmi carca. Chaimantami paitaca Taita Diosca: ‘Cambac huahua huahuacunapuramantami, Quishpichic Cristoca shamunga. Pai shamushpaca, can mandashca shinallatacmi mandanga’ nirca. Taita Diosca paillatac chashna ruhuasha nishcata pactachina cashcataca, Davidca allimi yacharca.

SAN MATEO 1:18

Jesucristo huacharinaca cashnami carca: Paipac mama Mariaca Josehuan cazarangapacmi ari ninacushca carca. Josehuan manarac tandanacushpami, Mariaca Diospac Espíritu llanducpi, huicsayuc taririrca.

ROMANOS 9:5

Paicunaca ñucanchic ñaupa taitacunapac huahua huahuacunami can. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

ROMANOS 4:13

Taita Diosca Abrahammanpish, paipac huahua huahuapuramanpish cai pachataca cusha nircami. Abrahammanca mana Moisés mandashcacunata pactachishcallamantachu cusha nirca, ashtahuanpish crishcamanta Taita Dios paihuan alli tucuchun chasquishpami cusha nirca.

SAN MATEO 15:22

Jesús chaipi cacpimi, Canaán llactamanta rishpa, chai llactapi causac shuc huarmi cuchuyashpaca: —Mandac Davidpac aillupuramanta Apunchic Jesús, ¡ñucata llaquiyari! Ñuca huahuatami supai japishpa yallita llaquichicun— nishpa caparirca.

SAN MATEO 9:27

Jesús chaimanta ricucpimi, ñahui mana ricuc ishcai runacunaca: —Mandac Davidpac aillupuramanta Apunchic Jesús, ¡ñucanchictaca llaquiyari!— nishpa, caparishpa c'atircacuna.

SAN MATEO 3:16

Jesusca bautizancami yacumanta llucshirca. Shina llucshishpaca, jahua pacha pascaricpi, Diospac Espíritu paloma shina paipac jahuaman uriyamucuctami ricurca.

SAN MATEO 1:2

Abrahamca Isaacpac taitami carca. Isaacca Jacobopac taitami carca. Jacoboca Judapac, shinallatac caishuc paipac huauquicunapac taitami carca.

SAN LUCAS 1:33

Paica ñaupa taita Jacobopac huahua huahua israelcunatami*f** huiñaita mandanga. Pai mandanaca manatac tucuringachu— nirca.

1 TIMOTEO 2:5

Shuclla Diosmi tiyan. Shinallatac Taita Dioshuan gentecunahuan alli tucuchicpish, shucllami tiyan. Paica runa tucungapac shamushca Jesucristomi.

2 TIMOTEO 2:8

Mandac Davidpac aillupuramanta cac, shinallatac huañushcacunapuramanta causarishca Jesucristotami yuyarina cangui. Quishpirinamanta huillashpaca, chaitami huillani.