MARCOS 9:9 - Nuevo Testamento en Quichua Cañar 1996

⁹ Chai urcumanta urai cutimushpaca, Jesusca chai quimsa yachacuccunataca: —Cancuna cunan ricushcataca, pacta piman huillanguichicman. Huañushcacunapuramanta Runa Tucungapac shamushca*f** ñuca causarishca q'uipaca, huillanguichiclla— nirca.

Dios Rimashcata Quillcashcami

⁹ Chai urcumanta cutimushpaca, Jesusca chai quimsa yachacuccunataca chai ricushcataca, Runa Tucungapac shamushca Huañushcacunapuramanta causaringacaman ama piman huillachunmi mandarca.

MARCOS 9:9 Referans Kwoze

MARCOS 5:43

Jesusca: —Paita causachishcataca, pacta piman huillanguichicman— nishpami mandarca. Chai q'uipaca: —Cai huambraman micunata caraichic— nircami.

SAN MATEO 12:40

Ima shinami Jonás quimsa tutata, quimsa punzhata shuc jatun pescadopac huicsapi carca, chashnallatacmi Runa Tucungapac shamushca*f** ñucaca, quimsa tutata, quimsa punzhata allpa ucupi casha.

SAN LUCAS 24:46

Yachachicushpaca: —Dios quillcachishcapi nishca shinaca, Quishpichic Cristoca huañunami carca. Huañushpapish, quimsa punzhapica huañushcacunapuramanta causarinami carca.

SAN MATEO 27:63

Chaiman chayashpaca: —Jatun mandaclla. Cai llullac runa causacushpaca: ‘Quimsa punzhapica causarishallami’ nishcatami yuyarinchic.

SAN MATEO 16:21

Chashna nishca q'uipallatacmi, Jesusca paipac yachacuccunamanca cashna nishpa yachachi callarirca: —Jerusalén pueblomanmi rina cani. Chaipimi curacunata mandac curacunapish, cunac yuyaccunapish, mandashcacunata yachachiccunapish llaquichicpi, mai llaquita apashpa huañuna cani. Shina cashpapish quimsa punzhapica causarishallami— nirca.

SAN MATEO 12:19

Paica pitapish mana alli nishpaca, mana caparingachu. Mai ñancunapipish, pai ima nishcataca mana uyangacunachu.

SAN MATEO 8:4

Chashna alliyachishpaca, Jesusca: —Riqui, pi canta alliyachishcataca, pacta piman huillanguiman. Cunanca ri, Israel*f** curaman ricuchigri. Can alliyashcata paicuna ricuchunca, Diosman cuna cashcata Moisés mandashca shinallatac cugringui— nirca.

MARCOS 7:36

Chashna alliyachishpaca Jesusca: —Pacta piman huillanguichicman— nishpami, gentecunataca cutin cutin nirca. Chashna nishcapish, paicunaca ashtahuanmi pimanpish parlashpa purircacuna.

MARCOS 9:8

Chashna uyaricucllapitac, yachacuccuna tucui muyundicta ricushpaca, pitapish mana ricurcacunachu, Jesusllatami chaipi cacta ricurcacuna.

MARCOS 9:10

Shina nishcataca cazushpami, pimanpish mana huillarcacuna, ashtahuanpish paicunapura parlanacushpami: —‘Huañushcacunapuramanta causarina’ nishpaca, ¿imatashi nisha ninga?— nishpa tapunacurcacuna.

SAN LUCAS 9:36

Chashna uyarishca q'uipaca, ña Jesús pailla cactami ricurcacuna. Ashtahuanpish paicuna ricushcataca chai punzhacunapica piman mana huillarcacunachu.