MARCOS 9:32 - Nuevo Testamento en Quichua Cañar 1996

³² Paicunaca imamanta chashna nicushcatapish mana entendircacunachu. Chashna mana entendishpapish, manchashpami mana tapurcacuna.

Dios Rimashcata Quillcashcami

³² Paicunaca chai rimashcacunataca mana entendircachu. Chashna mana entendishpapish, manchashpami mana tapurca.

MARCOS 9:32 Referans Kwoze

SAN LUCAS 18:34

Chashna nicpipish mana entendipac cashcamantami, Jesús imata nisha nishcataca yachacuccunaca mana entendircacuna.

SAN LUCAS 9:45

Chashna nicpipish yachacuccunaca Jesús imamanta chashna nishcataca, Taita Dios mana yachana yuyaita cucpimi, paicunaca mana entendircacuna. Chashna mana entendishpapish, manchashpami mana tapurcacuna.

SAN LUCAS 2:50

Jesús chashna nicpipish, taita mamaca imata nisha nishcata mana entendircacunachu.

SAN JUAN 16:19

Paicuna tapunata munacucta yachashpami, Jesusca cashna nirca: —‘¿Ñucata asha q'uipallaca ña mana ricunguichicchu, cutin asha q'uipallatacmi ricunguichic’ nishcata yachanata munashpachu tapunacucunguichic?

SAN JUAN 12:16

Cai nishcata yachacuccunaca chai punzhapica imata mana entendircacunachu. Shina cacpipish Jesús causarishca q'uipami, tucui chai tucushcaca paimanta ñaupaman quillcachishca pactashcata yuyarircacuna.

MARCOS 9:10

Shina nishcataca cazushpami, pimanpish mana huillarcacuna, ashtahuanpish paicunapura parlanacushpami: —‘Huañushcacunapuramanta causarina’ nishpaca, ¿imatashi nisha ninga?— nishpa tapunacurcacuna.

SAN JUAN 4:27

Shina parlacucpimi, paipac yachacuccunaca cutimushpa, chai huarmihuan Jesús parlanacucucta ricushpa mana amirircacuna. Chashna cacpipish: “¿Imatatac tapucungui? ¿Imatatac chai huarmihuanca parlacungui?” nishpaca, pi mana imata tapurcachu.

SAN LUCAS 24:45

Shina nishpaca, paicunaman yuyaita cushpami, Dios quillcachishcata alli yachachirca.

MARCOS 16:14

Chai q'uipaca, Jesusca paipac chunga shuc yachacuccuna micucucpimi ricurirca. Chaipi ricurishpaca: “Ñuca causarishcata ricuccuna huillacpica, rumi shungu cashpami cancunaca mana crircanguichic” nishpa rimarirca.

MARCOS 8:33

Ashtahuanpish Jesús tigrarishpa, paipac yachacuccunata ricushpa Pedrota p'iñarishpaca: —¡Caimanta anchuri, Satanás!*f** Canca Taita Dios imata ruhuagricushcataca mana yachanguichu, ashtahuanpish gentecuna yuyashcallatami yuyacungui— nirca.

MARCOS 7:18

Shina tapucpimi, Jesusca paicunataca: —Cancunapish ñuca huillacushca ima nisha nishcataca, ¿manaracchu entendinguichic? Ima micunapish shimita yaicucca mana juchayucta ruhuactaca, ¿manachu entendinguichic?