MARCOS 8:21 - Nuevo Testamento en Quichua Cañar 1996

²¹ Chashna nicpi Jesusca: —¿Chashna ruhuashca jahuachu manarac alli yuyaita japinguichic?— nirca.

Dios Rimashcata Quillcashcami

²¹ Chashna nicpimi Jesusca: —¿Chashna ruhuashca jahuachu manarac entendinguichic?— nirca.

MARCOS 8:21 Referans Kwoze

MARCOS 6:52

Paicunaca tandata mirachishpa carashcatapish manarac yuyaipi charishpami, chashna mancharircacuna. Paicunapac yuyaica amsapirac shinami carca.

MARCOS 8:12

Shina nicpica, Jesusca shungu ucumanta llaquirishpami: —Cunan punzha causaccunaca, ¿ima nishpatac Taita Dios cachashcata ricungapacca, pi mana ruhuaipactarac ruhuashpa ricuchichun nincunayari? Paicunaca pi mana ruhuaipacta ricushun nishpapish, manatac ricungacunachu, chashnami canga— nirca.

1 CORINTIOS 15:34

Cancunaca alli yuyaiman tigrarichic, ama juchata ruhuaichicchu. Cancunapuramanta maijancunaca manarac Diosta ricsinguichicchu. Caicunataca cancuna pingaita charichunmi nini.

1 CORINTIOS 6:5

Cancuna pingaita charichunmi, chashnaca nini. Criccunapurapi imapish p'iñanacuicuna tiyacta ricushpa allichichunca, ¿manachu cancunapurapi maijan shucllapish tiyan, imatacyari?

SAN JUAN 14:9

Shina nicpimi, Jesusca cashna nirca: —Felipe, ña unaitami cancunahuanca cani. ¿Chashna cashca jahuachu ñucataca mana ricsingui? Maijanpish ñucata ricucca ñuca Taitatapish ricunmi. ¿Ima nishpatac ñuca Taitataca ricuchi ningui?

MARCOS 9:19

Shina nicpi Jesusca: —¡Aij, mana cric millai gentecunalla! Cancunahuanca, ¿maicamantac yachachishpa causacushalla? ¿Maicamantac cancunahuanca llaquita apacushalla? Huambrata caiman apamuichic— nirca.

MARCOS 8:17

Chashna ninacucta yachashpami Jesusca: —¿Ima nishpatac ‘tandataca manamari apamushcanchic’ nishpa, chai yuyailla canguichic? ¿Manaracchu entendinguichic? ¿Manaracchu alli yuyaita japinguichic? Cancunapac shunguca, ¿chairac sinchiracchu?

MARCOS 8:22

Chai q'uipami, Betsaida puebloman Jesusca paipac yachacuccunandic chayarca. Chaipica, shuc ñahui mana ricuc runata Jesuspacman pushamushpaca: —Cambac maquihuan tuparishpa, alliyachishpa cuiyari— nishpami, mailla mañarcacuna.