MARCOS 7:5 - Nuevo Testamento en Quichua Cañar 1996

⁵ Chashna ruhuaccuna cashpami fariseocunapish, mandashcacunata yachachiccunapish Jesusta tapushpaca: —Ñucanchic ñaupa taitacunaca: ‘Maquita jahuashpami micuna canguichic’ nishcami. Cutin cambac yachacuccunaca, ¿ima nishpatac chashna nishcataca mana cazushpa, maquita mana jahuashpa micuncuna?— nircacuna.

Dios Rimashcata Quillcashcami

⁵ Chaimantami fariseocunapish, mandashcacunata yachachiccunapish Jesusta tapushpaca: —¿Ima nishpatac cambac yachacuccunaca ñaupa taitacuna yachachishcata mana cazushpa, maquita mana jahuashpa micun?— nirca.

MARCOS 7:5 Referans Kwoze

2 TESALONICENSES 3:6

C'uyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichun ninchic.

HECHOS 21:21

Ashtahuanpish cantaca caru llactapi causac israelcunataca: ‘Moisés mandashcacunata ama cazuichicchu, cancunapac c'ari huahuacunatapish circuncisionta*f** ama ruhuaichicchu, shinallatac israelcuna imallata ruhuana cashcatapish ama ruhuaichicchu’ nishpa yachachicushcatami, maijancunaca yachac chayashcacuna.

GÁLATAS 1:14

Ñucaca ñaupa taitacuna yachachishcata allita huacaichic cashpami, israelcuna yachachishcata c'aticushpaca, ñucahuan huiñai israelcunata atishpa ashtahuan alli cazuc carcani.

HECHOS 21:24

Diospac ñaupapi alli ricuringapacca paicunahuan armarishpa, paicuna acchata p'itichunpish cuna cashcata paicunamanta cungui. Chashna ruhuacpica, tucui israelcunami canmanta ima uyashcatapish: ‘Mana chashnachu cashca. Paipish Moisés mandashcacunata pactachicllatacmi cashca’ ningacuna.

SAN MATEO 15:2

—¿Ima nishpatac cambac yachacuccunaca, ñucanchic ñaupa taitacuna ima shinami jahuac shinallatac, maquita mana jahuashpa micuncunayari?— nircacuna.

ROMANOS 4:12

Abrahamca circuncisionta ruhuashcacunapacpish taitami. Mana circuncisionta paicuna ruhuashcallamantachu, ashtahuanpish Abraham manarac circuncisionta ruhuashpa, pai crishpa ima shina causacushcata yuyarishpa c'aticushcamantami paicunapac taita.

2 TESALONICENSES 3:11

Ashtahuanpish cancunapuramanta maijancunataca mana trabajasha nishpa, huasi huasi yanga puric nictami uyarcanchic.

MARCOS 7:8

Chashna ruhuashpami, cancunaca Taita Dios mandashcacunata saquishpa, runacuna yachachishcallata c'aticunguichic— nirca.

MARCOS 7:9

Shina nishpami, Jesusca caitapish nirca: —Taita Dios mandashcacunataca yangata ruhuashpami, cancunapac ñaupa taitacuna yachachishcallata cazunguichic.

MARCOS 7:13

Chashna cashpami, Taita Dios mandashcacunata yangata ruhuashpa, cancunapac munaillata caishuc chaishuc yachachinacunguichic. Ima ashtahuan shuc chashna layacunatapish ruhuaccunami canguichic— nirca.