MARCOS 7:34 - Nuevo Testamento en Quichua Cañar 1996

³⁴ Chashna ruhuashpami, Jesusca jahua pachata huichailla ricushpa, shungupi llaquirishpa: —¡Efata!— nirca. “Efata” nishpaca: “Pascari” nisha ninmi.

Dios Rimashcata Quillcashcami

³⁴ Chashna ruhuashpami, Jesusca jahua pachata ricushpa, shungupi llaquirishpa: —¡Efata!— nirca. Chaica: “Pascari” nisha ninmi.

MARCOS 7:34 Referans Kwoze

SAN JUAN 11:41

Jesús shina nicpica, huañushca maipi cac jarcashca rumita cutichircacunami. Chai q'uipami, Jesusca jahua pachata huichailla ricushpaca: —Taitalla, ñuca mañashcata uyashcamantaca pagui ninimi.

MARCOS 6:41

Chai q'uipami Jesusca pichca tandata, ishcai pescadota japirca. Shina japishpami, jahua pachata huichailla ricushpa, Taita Diosta pagui nishpa mañarca. Chai pichca tandata, ishcai pescadotaca chaupishpa chaupishpami, gentecunaman carachun paipac yachacuccunaman curca.

MARCOS 5:41

Ña chai huañushca huambrapacman chayashpaca, maquita japishpami: —Talita, cumi— nirca. Chashna nishpaca: “Huambra, cantami jatari nini” nisha ninmi.

HECHOS 9:34

Chashna ungushcata ricushpami Pedroca: —Eneas, cantaca Quishpichic Jesucristomi alliyachin. Jatari, cambac camata tandachi— nicpica, Eneasca jatarishpa shayarircallami.

SAN JUAN 11:33

Mariapish, paita compañac israelcunapish huacacucta ricushpami, shungumanta llaquirishpa Jesusca:

MARCOS 15:34

Chai horasllatacmi Jesusca: —Eloí, Eloí, ¿lama sabactani?— nishpa, sinchita caparirca. Cai rimarishcaca: “Ñuca Dios, ñuca Dios, ¿ima nishpatac ñucallata saquinguiyari?” nisha ninmi.

MARCOS 8:12

Shina nicpica, Jesusca shungu ucumanta llaquirishpami: —Cunan punzha causaccunaca, ¿ima nishpatac Taita Dios cachashcata ricungapacca, pi mana ruhuaipactarac ruhuashpa ricuchichun nincunayari? Paicunaca pi mana ruhuaipacta ricushun nishpapish, manatac ricungacunachu, chashnami canga— nirca.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Taita Diosman mañarca. Chaimanta huañushca huarmita ricungapac tigrarishpaca: —Tabita, jatari— nicpi, chai huarmica ñahuita pascashpa, Pedrota ricushcahuan jatarishpa tiyarircallami.

SAN JUAN 11:43

Chaita nishca q'uipaca: —¡Lázaro, chaimanta llucshi!— nishpami, sinchita caparirca.

HEBREOS 4:15

Paica ñucanchicmanta Diospacta ruhuac curacunata jatun mandac cura cashpami, ñucanchic mana c'atinata pudicucpipish llaquin. Paitapish ñucanchicta shinallatacmi, mana alli yuyaicunaca pandachisha nirca. Shina cacpipish jaicapi mana juchallircachu.

SAN JUAN 17:1

Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

SAN JUAN 11:38

Cutinllatacmi Jesusca shungumanta llaquirishpa, chai enterrashca cuchuman rirca. Chai jutcuca shuc c'aca quinraipimi jatun rumihuan jarcashca carca.

SAN JUAN 11:35

Chaita ricushpaca, Jesuspish huacarcami.

SAN LUCAS 19:41

Jesús ña Jerusalenman chayagrishpaca, chai pueblota ricushpami cashna nishpa huacarca:

SAN LUCAS 18:42

Shina nicpi Jesusca: —Canca ñuca alliyachinataca ña crishcanguimi. Cunanca ricuilla— nirca.

SAN LUCAS 7:14

Shina nishpa Jesús cuchuyashpaca, chai huandushcapimi tuparirca. Chashna tuparicpica, huandushpa riccunapish shayarircacunami. Chashna cacpimi Jesusca chai huañushcataca: —Huambra, cantami jatari nini— nirca.

MARCOS 1:41

Shina nicpi Jesusca chai runata llaquishpami, maquihuan tuparishpaca: —Ari, alliyachisha ninimi, alliyai— nirca.

MARCOS 7:35

Chashna nicpica, chai runapac rinricunaca alliyashpa pascarircallami. Huatarishca c'allupish alli tucucpi, ña alli rimarcallami.