MARCOS 7:21 - Nuevo Testamento en Quichua Cañar 1996

²¹ Shungu ucumanta millai yuyaicuna llucshicpimi, cazarashca jahua shuc-huan huacllirinacuncuna, manarac cazarashca cashpapish huacllirinacuncuna, huañuchincuna,

Dios Rimashcata Quillcashcami

²¹ Shungu ucumanta millai yuyaicuna llucshicpimi, huainayancuna, millaita ruhuancuna, huañuchincuna,

MARCOS 7:21 Referans Kwoze

SAN MATEO 15:19

Shungu ucumanta millai yuyaicuna llucshicpimi huañuchincuna, cazarashca jahua shuc-huan huacllirinacuncuna, manarac cazarashca cashpapish huacllirinacuncuna, shuhuancuna, llullancuna, shinallatac imapish mana alli rimaicunata rimancuna.

HECHOS 8:22

Can mana allita yuyanata saquishpa, Taita Diosman mañai. Chashna mañacpica, cambac shungu mana allita yuyashcataca perdonangapishchari.

SAN MATEO 9:4

Ashtahuanpish paicunapac yuyaita Jesús yachashpami, paicunataca: —¿Ima nishpatac cancunapac shungupica, chashna mana alli yuyaicunata charinguichic?

SANTIAGO 2:4

Chai shina cancunapurallatac “caica allimi, chaica mana allichu” nishpa ch'icanyachishpaca, mana alli yuyaicunahuanmi ruhuacunguichic.

SAN LUCAS 16:15

Shina asicpimi, Jesusca: “Cancunami gentecunapac ñaupapica, allicuna layalla ricuringuichic. Chashna cacpipish, Taita Diosca cancunapac shungu imata yuyacushcataca yachanmi. Cai pachapi gentecunalla alli nishcacunaca, Taita Diospac ñaupapica millana shinami can.

ROMANOS 7:8

Juchaca mandashcacuna tiyashcamantami ñuca yuyaipi yaicushpa, mana allicunata ruhuachi callarirca. Mandashcacuna mana tiyacpica, juchaca huañushca shinami canman.

HECHOS 5:4

Allpaca, ¿manachu cambac carca? C'atucpipish chai cullquica, ¿manachu cambac tucurca? Shinashpaca, ¿ima nishpatac cambac shungupi chashna millaita ruhuanataca yuyarircangui? Mana runacunallamanchu llullashcangui, Taita Diosmanmi llullashcangui— nirca.

ROMANOS 7:5

Cai pacha jucha munashcata ruhuashpa mana allicunata ruhuacucpica, mandashcacunaca ñucanchic yuyaipi yaicushpa, mana allita ruhuachishpami huañuiman aparca.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna mana allillapi causacushpami, shuccuna ama charichun munashpa, caishuc chaishuchuan p'iñanacushpa causacurcanchic.

MARCOS 7:20

Paillatacmi caitapish nirca: —Shungu ucumanta llucshic, mana alli yuyaicunami juchayuctaca ruhuan.

MARCOS 7:22

shuhuancuna, yallita charicyana yuyailla cancuna, pitapish llaquichincuna, umancuna, pingai illacpish tucuncuna, shuccuna ama charichun nishpa munancuna, imatapish llullashpa purincuna, quiquinlla alli cashcata yuyancuna, yuyai illacpish tucuncuna.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huacllirichicchu, manapish caipaccunata ama ruhuaichicchu, ama huacllirina yuyailla caichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.