MARCOS 7:2 - Nuevo Testamento en Quichua Cañar 1996

² Chai runacunaca Jesuspac maijan yachacuccuna maquita mana jahuashpa micucucta ricushpami: “Chai yachacuccunaca ‘maquita jahuashpami micuna’ nishpa mandashcata mana cazushpami, chashna micuncuna” nishpa juchanchircacuna.

Dios Rimashcata Quillcashcami

² Paicunaca Jesuspac maijan yachacuccuna maquita mana jahuashpa micucucta ricurca.

MARCOS 7:2 Referans Kwoze

HECHOS 10:28

Chaipimi Pedroca: —Israelcunaca mana israelcunahuanca*f** mana tandanacunalla cashcataca, cancunallatac yachanguichicmi. Paicunapac huasillamanpish mana chayarina cashcataca yachanguichicmi. Ashtahuanpish Taita Dios ñucaman ricuchishpaca: ‘Pitapish mana alli nishpaca, ama millanguichu’ nircami.

ROMANOS 14:14

Imapish paillatac mana allica mana tiyanchu. Ñucaca Apunchic Jesusta cric cashcamantaca, chaitaca allimi yachani. Ashtahuanpish maijan ima mana alli canata yuyacpica, paimanmi mana alli canga.

HECHOS 11:8

Shina nicpi ñucaca: ‘Mana, Apunchic Jesús. Israelcuna*f** millashpa, mana micuna cashcataca jaicapi mana micushcanichu’ nircanimi.

SAN MATEO 15:2

—¿Ima nishpatac cambac yachacuccunaca, ñucanchic ñaupa taitacuna ima shinami jahuac shinallatac, maquita mana jahuashpa micuncunayari?— nircacuna.

MARCOS 7:5

Chashna ruhuaccuna cashpami fariseocunapish, mandashcacunata yachachiccunapish Jesusta tapushpaca: —Ñucanchic ñaupa taitacunaca: ‘Maquita jahuashpami micuna canguichic’ nishcami. Cutin cambac yachacuccunaca, ¿ima nishpatac chashna nishcataca mana cazushpa, maquita mana jahuashpa micuncuna?— nircacuna.

SAN LUCAS 11:38

Fariseocuna micungapacca, maquitaracmi alli jahuaccuna carca. Jesús mana chashna ruhuacpimi, chai runaca mancharirca.

HEBREOS 10:29

Ashtahuanpish Diospac Churita saruc shinacunata, paipac jichashca yahuarta yangapi churashpa, Diospac c'uyac Espirituta c'amishpa rimaccunataca, chaita yallimi llaquichishca canga. Chai yahuarmi mushuc ari ninacuitaca pactachin. Shinallatac chai yahuarllatacmi juchata p'ichan.

APOCALIPSIS 21:27

Shina cacpipish chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac quillcachina libropi shutita quillcachishcacunallami chaimanca yaicunga.