MARCOS 6:14 - Nuevo Testamento en Quichua Cañar 1996

¹⁴ Jesús imata ruhuashpa puricuctaca, tucui gentecunami maipipish parlanacurcacuna. Shina parlanacucta llactata mandac Herodes uyashpami: —Bautizac Juanmi huañushcacunapuramanta causarimushca canga. Shina cashpami, paica pi mana ruhuaipaccunata ruhuacunga— nirca.

Dios Rimashcata Quillcashcami

¹⁴ Tucui llactacunapimi Jesús imata ruhuashcaca yacharirca. Chaimantami mandac Herodesca: —Bautizac Juanmi huañushcacunapuramanta causarishca canga. Chaimantami paica milagrocunata ruhuacunga— nirca.

MARCOS 6:14 Referans Kwoze

1 TESALONICENSES 1:8

Cancuna crishcataca mana Macedonia llactallapi, mana Acaya llactallapichu yachac chayashcacuna, ashtahuanpish tucui llactacunapimi cancunamanta uyashpaca, Diosmanta alli huillaitaca yachac chayashcacuna. Chaimantami cancuna alli crishcataca, ña mana huillana canchic.

SAN LUCAS 13:31

Chai punzhallatacmi maijan fariseocuna*f** Jesuspacman chayamushpaca: —Mandac Herodesca canta huañuchisha nicunmi. Caimanta utca rilla— nircacuna.

SAN LUCAS 3:1

Ña chunga pichca huatata jatun mandac Tiberio Roma*f** llactata mandacucpimi, Poncio Pilatoca Judea llactata mandacurca. Herodesca Galilea llactata, paipac huauqui Felipeca Iturea llactata, shinallatac Traconite llactatapishmi mandacurca. Shinallatac Lisaniasca Abilinia llactatami mandacurca.

MARCOS 8:28

Chashna tapucpi paicunaca: —Maijancunaca: ‘Bautizac Juanmi canga’ nincunami. Maijancunaca: ‘Diosmanta ñaupa huillac Eliasmi canga’ nincunami. Shuccunaca: ‘Diosmanta ñaupa huillaccunapuramanta maijan shucmi canga’ nincunami— nishpami huillarcacuna.

MARCOS 1:45

Ashtahuanpish chai runaca, ima shina alliyashcataca tucui gentecunamanmi parlarca. Chaimantami Jesusca mai pueblomanpish gentecuna ricucucpica mana yaicui pudishpa, maipi mana gente tiyaillapi puricurca. Jesús chaipi cacpipish, maimanta cashpapish paipacmanca shamurcacunallami.

MARCOS 1:28

Jesús chashna ruhuashcataca, Galilea llacta muyundicpi tucui causaccunaca manarac mashnapimi yachac chayarcacuna.

SAN MATEO 9:31

Chashna nishca jahuapish, paicuna chaimanta rishpaca, tucui chai llactacunapimi Jesús ima ruhuashcataca parlarcacuna.

SAN LUCAS 9:19

Chashna tapucpi paicunaca: —Maijancunaca: “Bautizac Juanmi canga” nincunami. Maijancunaca: “Diosmanta ñaupa huillac Eliasmi canga” nincunami. Shinallatac maijancunaca: “Diosmanta ñaupa huillaccunamanta maijancharimi causarimushca canga” nincunami— nircacuna.

HEBREOS 2:4

Taita Diospish pi mana ruhuaipaccunata, pi mana ricushcacunata ruhuashpa, shinallatac pai munashca shina imatapish ruhuachun paipac Espiritutaca cushpami, chashnatac cashcata ricuchirca.

SAN LUCAS 7:17

Jesús chashna ruhuashcataca Judea llactapi causaccunapish, tucui muyundic llactacunapi causaccunapish tucui mashnami yachac chayarcacuna.