MARCOS 6:12 - Nuevo Testamento en Quichua Cañar 1996

¹² Jesús chashna nicpi yachacuccuna rishpaca: —Juchayuc cashcamanta llaquirishpa, Diosman cutirichic— nishpami, gentecunamanca huillarcacuna.

Dios Rimashcata Quillcashcami

¹² Yachacuccuna rishpaca, juchayuc cashcamanta llaquirishpa, Diosman cutirichunmi gentecunaman huillarca.

MARCOS 6:12 Referans Kwoze

SAN MATEO 4:17

Chaimanta pachami Jesusca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nishpa huillai callarirca.

HECHOS 20:21

Israelcunamanpish, mana israelcunamanpish:*f** ‘Juchayuc cashcamanta llaquirishpa, Taita Diosman cutirishpa, Apunchic Jesucristota crichic’ nishpami huillarcani.

HECHOS 11:18

Chashna nicta paicuna uyashpaca, ña mana imata nircacunachu. Ashtahuanpish: —¡Mana israelcunapish Taita Diosman cutirishpa, huiñai causaita charichunmi saquishca!— nishpami, Taita Diostaca “allimari cangui” nircacuna.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Taita Diosca cancunapac juchacunata perdonanga, shinallatac paipac Espiritutapish cancunamanca cunga.

SAN LUCAS 13:3

Mana yalli juchayuccuna cashcamantachu chashnaca tucushca. Cancunapish juchayuc cashcamanta llaquirishpa, Taita Diosman mana cutirishpaca, tucuillatacmi huañushpa, llaquita apanguichic.

SAN LUCAS 11:32

Chashnallatac Ninivepi causac gentecunapish Dios ima nishcata Jonás huillacpica, juchayuc cashcamanta llaquirishpa, Taita Diosman cutirircacunami. Ñucacarin, Jonastapish yallimi caipica cani. Chaimanta Taita Dios taripana punzhapi Nínive pueblopi ñaupa causaccunami jatarishpa, cunan punzhapi causaccunataca: ‘Cancunaca mana allitachu ruhuashcanguichic’ nishpa juchanchingacuna.

SAN MATEO 3:8

Cancuna Taita Diosman cutirishca cashcatatac ricuchingapacca, alli p'ucuc grano shina allita ruhuashpami ricuchina canguichic.

SAN MATEO 3:2

Pai huillashpaca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nirca.

HECHOS 26:20

Chashna cazushpami, Damasco pueblopi huillai callarircani. Shinallatac Jerusalén pueblopipish, tucui Judea llactacunapipish, mana israelcunamanpish:*f** ‘Mana alli causacushcata saquishpa, Taita Diosman cutirishpa, allita causaichic’ nishpa huillarcani.

HECHOS 3:19

Chaimanta juchayuc cashcamanta llaquirishpa, Diosman cutirichic. Chashna ruhuacpimi, Taita Diosca cancunapac juchacunata p'ichashpa, cushi causai punzhacunatapish cunga.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

SAN LUCAS 15:10

Cancunaman huillanimi: Chashnallatacmi shuc juchayuc llaquirishpa Diosman cutiricpica, Taita Diospac angelcunapish mai cushicuncuna” nirca.

SAN LUCAS 15:7

Cancunaman huillanimi: Chashnallatacmi iscun chunga iscun ‘ña mana llaquirishpa, Diosman cutirinachu canchic’ niccunamanta yalli, shuc juchayuc llaquirishpa Diosman cutiricpica, ashtahuan cushicui jahua pachapica tiyan.

SAN LUCAS 13:5

Mana chaimantachu chashna tucushca. Cancunapish juchayuc cashcamanta llaquirishpa, Taita Diosman mana cutirishpaca, tucuillatacmi huañushpa, llaquita apanguichic— nirca.

MARCOS 1:15

Chashna huillacushpaca: —Cunanmi, chai alli huillai punzhaca chayamushca. Taita Diosca ñami mandagrin. Cancunaca juchayuc cashcamanta llaquirishpa, Taita Diosman cutirishpa, alli huillaita crichic— nirca.

SAN MATEO 11:20

Jesusca tauca pueblocunapimi, pi mana ruhuaipaccunataca achcata ruhuarca. Chashna ruhuacpipish, chaipi causac gentecunaca juchayuc cashcamanta llaquirishpa, Taita Diosman mana cutirishcamantami, sinchita rimashpaca:

SAN MATEO 9:13

Cancunaca Dios quillcachishcapi nishcataracmi yachana canguichic. Chaipica: ‘Animalcunata rupachishpa ñucaman cunapac randica, shungumanta llaquiccuna cachunmi ñucaca munani’ ninmi. Ñucaca cashcata ruhuaccunataca mana c'ayac shamurcanichu, ashtahuanpish juchayuccunatami Taita Diosman cutirichun c'ayac shamurcani— nirca.

SAN LUCAS 9:6

Chashna nicpi yachacuccunaca tucui llactacunata rishpami, alli huillaita huillashpa, ungushcacunata alliyachishpa puricurcacuna.

MARCOS 1:3

Shitashca pambapi shuc caparishca uyarishpaca: ‘Quishpichic shamuna ñanta allichichic. Quingu ñancunatapish derechaichic’ ” nishcami.

SAN MATEO 11:1

Jesús paipac chunga ishcai yachacuccunaman imata ruhuana cashcata ña tucui yachachishpaca, Galilea llactapi tiyac pueblocunapi huillashpa yachachingapacmi rirca.