MARCOS 5:2 - Nuevo Testamento en Quichua Cañar 1996

² Canoamanta Jesús llucshincami, supai japishca runaca panteonmanta shamushpa, Jesustaca tupagrirca.

Dios Rimashcata Quillcashcami

² Canoamanta Jesús llucshincami, supai japishca runaca panteonmanta llucshishpa, Jesus-huan tupac shamurca.

MARCOS 5:2 Referans Kwoze

MARCOS 1:23

Chai tandanacuna huasipica, supai japishca runami tiyacurca. Chai runa caparishpaca:

MARCOS 5:8

Jesusca supaita: “¡Cai runamanta llucshi!” nicucpimi, chashna caparirca.

SAN LUCAS 9:42

Jesuspacman chai huambra ña cuchuyamucpica, cutinllatacmi supaica chucchuchishpa, pambaman urmachirca. Chashna cacpipish Jesusca chai supaitaca sinchita rimashpami, llucchishpa cacharca. Chashna alliyashca huambratami taitaman curca.

SAN LUCAS 8:27

Ña chai llactaman chayashpa, canoamanta Jesús uricucpica, pueblomanta shuc runami ñapish Jesuspac cuchuman shamurca. Chai runaca unai huatacunatami supaicuna japishca carca. Chashna cashpami churanapish illaclla, huasipipish mana causashpa, panteonllapimi causac carca.

MARCOS 7:25

Chaimantami ñapish shuc huarmica Jesús chaipi cacta yachashpa, paipac ñaupaman shamushpaca cungurircalla. Chai huarmica supai japishca shuc huarmi huambratami charirca.

MARCOS 4:1

Jesusca jatun cucha patapimi cutin yachachi callarirca. Chaimanmi achca gentecuna tandanacurcacuna. Shina tandanacumucpimi, yacupi cac canoapi yaicushpa, Jesusca tiyarirca. Chai tucui gentecunaca yacu patapimi saquirircacuna.

MARCOS 3:30

Paicuna “supai japishca runami cangui” nishcamantami, Jesusca chashna nirca.

MARCOS 1:26

Chashna rimacpica, chai supaica chai runata munai chucchuchishpa, sinchita caparichishpami llucshishpa rircalla.

MARCOS 3:9

Chashna shamucpica, gentecuna ama ñitimuchun nishpami: —Shuc canoata utca apamushpa charicuichic— nishpa, Jesusca paipac yachacuccunataca mandarca.

MARCOS 4:36

Jesús shina nicpimi, paipac yachacuccunaca tucui gentecunata “caya minchacaman” nishpa, Jesús tiyacushca canoallapitac tiyarishpa rircacuna. Shinallatac maijancunaca shuc canoacunapi tiyarishpami, Jesusta c'atishpa rircacuna.

MARCOS 5:3

Chai runaca panteonllapimi causac carca. Paitaca cadenacunahuan huatacpipish, mana cazucchu carca.

MARCOS 5:21

Jesusca canoapi tiyarishpa, cutinllatacmi chai yacuta chimbashpa rirca. Ña chimbapi chayashpaca, Jesús cucha patapi cacpimi, achca gentecuna paipacman tandanacumurcacuna.