MARCOS 5:15 - Nuevo Testamento en Quichua Cañar 1996

¹⁵ Jesuspacman chayamushpaca, achca supaicuna japishca runa alli tucushca tiyacuctami ricurcacuna. Chai runaca churanatapish alli churarishca, alli yuyaipimi tiyacurca. Chaita ricushpami, gentecunaca mancharircacuna.

Dios Rimashcata Quillcashcami

¹⁵ Jesuspacman chayashpaca, achca huaranga supaicuna llaquichishca runa alli tucushpa, churanatapish alli churarishca, alli yuyaipi tiyacuctami ricurca. Chaita ricushpami, yallita mancharirca.

MARCOS 5:15 Referans Kwoze

COLOSENSES 1:13

Taita Diosmi amsa millai yuyaicuna mandashpa huatashca shina charicucmanta, paipac c'uyashca Churi mandacucman aparca.

2 TIMOTEO 1:7

Taita Diosca manchana yuyaita cuc espiritutaca mana cushcachu, ashtahuanpish imatapish ruhuai pudic, c'uyaita cuc, shinallatac quiquinllatac jarcarina yuyaita cuc Espiritutami ñucanchicmanca cushca.

SAN LUCAS 8:27

Ña chai llactaman chayashpa, canoamanta Jesús uricucpica, pueblomanta shuc runami ñapish Jesuspac cuchuman shamurca. Chai runaca unai huatacunatami supaicuna japishca carca. Chashna cashpami churanapish illaclla, huasipipish mana causashpa, panteonllapimi causac carca.

MARCOS 5:9

Shina nicpi Jesusca: —¿Ima shutitac cangui?— nishpami, chai runataca tapurca. Shina tapucpimi chai runaca: —Achcacuna cashcamanta, Huaranga Huaranga shutimi cani— nirca.

SAN LUCAS 10:39

Martaca María shuti ñañantami charirca. Mariaca Jesuspac ñaupapimi imalla yachachishcata uyangapac tiyarirca.

MARCOS 5:18

Jesusca ña ringapac canoapi tiyaricpimi, supaicunata llucchishca runaca: —Ñucatapish pushashpa riyari— nishpa, mailla mañarca.

MARCOS 5:16

Supai japishca runa alli tucushcatapish, cuchicuna ima tucushcatapish ricuccunaca, chai shamuc gentecunamanca tucuimi parlarcacuna.

MARCOS 5:4

Paipac chaqui maquita cadenacunahuan huatashcatapish, tauca cutin p'itishpa shitaclla cacpimi, paitaca pi mana huatashpa chari pudirca.

SAN MATEO 12:29

Shuc alli sinchi runapac huasiman yaicushpa, ima charishcata shuhuagrishpaca, paita manarac chacnashpaca, mana shuhuai pudinmanchu. Paita chacnashpallami, imatapish shuhuanman.

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

SAN MATEO 9:33

Jesús chai runamanta supaita llucchishpa cachacpica, chai mana rimaric runaca rimai callarircallami. Chashna rimari callaricpica, tucui chaipi caccunami: “Cai Israelpica*f** jaicapi mana ricushcatami ricunchic” nishpa, mana amirircacuna.

SAN MATEO 26:53

Cunanllatac ñuca Taitaman huaranga huaranga angelcunata ñucata huacaichichun mañacpica, cunanllatacmi cachanman. Chaitaca, ¿manachu yachangui?

MARCOS 5:14

Chashna tucucta ricushpami, cuchicunata michiccunaca paicuna causana pueblopipish, llactacunapipish huillangapac callparcacuna. Shina huillacpimi, ima tucushcata ricungapac tucui gentecuna shamurcacuna.