MARCOS 4:38 - Nuevo Testamento en Quichua Cañar 1996

³⁸ Jesusca canoa huasha ladomanmi, saunata churashpa suiñucurca. Shina suiñucucpica, paipac yachacuccunaca: —Yachachic, ¡ñucanchicca ñami ucuyagrinchic! ¿Ñucanchicta manachu llaquingui?— nishpa ricchachircacuna.

Dios Rimashcata Quillcashcami

³⁸ Jesusca canoa huasha ladopimi saunarishpa sueñucurca. Chaimantami paipac yachacuccunaca: —Yachachic, ¡ñucanchicca ñami ucuyagrinchicca! ¿Manachu llaquingui?— nishpa ricchachirca.

MARCOS 4:38 Referans Kwoze

1 PEDRO 5:7

Ima llaquicuna japicpipish, Diospac maquipi churaichic. Paica cancunata cuidacunmi.

HEBREOS 4:15

Paica ñucanchicmanta Diospacta ruhuac curacunata jatun mandac cura cashpami, ñucanchic mana c'atinata pudicucpipish llaquin. Paitapish ñucanchicta shinallatacmi, mana alli yuyaicunaca pandachisha nirca. Shina cacpipish jaicapi mana juchallircachu.

SAN MATEO 8:25

Chashna canoa ña ucuyagricucpi, paipac yachacuccuna Jesusta ricchachingapac rishpaca: —Apunchic Jesús, ¡ña ucuyagrinchicca! ¡Ñucanchicta quishpichiyari!— nircacuna.

SAN LUCAS 8:24

Chashna tucucpimi, yachacuccuna Jesuspacman cuchuyashpaca: —¡Yachachic, Yachachic, ñami ucuyagrinchic!— nishpa ricchachircacuna. Chashna nicpi Jesús riccharishpa, huairatapish yacutapish: —¡Casilla cai!— nirca. Chashna nicpica huairapish, yacupish casilla tucurcallami.

HEBREOS 2:17

Chai shina ayudangapacmi, paipac huauquicuna shina tucuna carca. Chai shina tucushpaca, tucui gentecunapac juchacunata anchuchingapacmi, allita pactachic, tucuita llaquic, Diospacta ruhuac curacunata jatun mandac cura tucurca.

SAN JUAN 4:6

Chaipimi ñaupa taita Jacobopac yacu junduca tiyarca. Ña chaupi punzha shina cacpimi, Jesusca shaicushca cashpa, yacu jundu cuchullapi samaringapac tiyarirca.

SAN MATEO 22:16

Chashna yuyarishpami, paicunapac yachacuccunapuramanta, shinallatac mandac Herodespac runacunapuramanta tapuchun cacharcacuna. Shina cachacpi tapuccuna rishpaca: —Yachachiclla. Canca imapish cashcallatami yachachingui, shinallatac Taita Dios munashca shina causachunpish, allimi yachachingui. Canca pitapish mana manchashpa, mana piman tucushpa yachachic cashcatami yachanchic.

MARCOS 4:37

Ña ricucpica, ima mundo huaira cungailla jatarishpami, yacuta caiman chaiman cuyuchi callarirca. Chashna cuyuchicpimi, canoapi yacuca jundai callarirca.

MARCOS 4:39

Shina nicpi Jesús jatarishpaca, huairatapish cuchatapish: —¡Ña casilla cai!— nishpami, sinchita rimarca. Shina nicpi huaira pararicpica, cuchapish casilla tucurcallami.