MARCOS 4:26 - Nuevo Testamento en Quichua Cañar 1996

²⁶ Chashnallatac Jesusca: —Taita Dios mandacucca, shuc runa paipac allpapi muyuta tarpuc shinami.

Dios Rimashcata Quillcashcami

²⁶ Chashnallatac Jesusca: —Dios mandacucca, shuc runa allpapi muyuta tarpuc shinami.

MARCOS 4:26 Referans Kwoze

SAN MATEO 13:24

Cai yuyaita japina parlotapish Jesús paicunaman parlashpaca, cashnami nirca: “Jahua pacha Taita Dios mandacucca, shuc runa paipac allpapi alli muyuta jichacpi,

SAN LUCAS 8:11

Cai ñuca parlashcaca, cashnami nisha nin: Muyu shinaca, Dios rimashca shimimi.

SAN LUCAS 8:5

“Shuc tarpuc runami muyuta jichangapac llucshirca. Muyuta pai jichacucpica, asha muyuca ñanpimi urmarca. Ñanpi urmashca muyu sarurishpa siricucpimi, zhutacuna shamushpa mururca.

SANTIAGO 3:18

Maijanpish sumac causaita causachun munaccunaca, allita tarpushpa tandac shinami, cashcata ruhuashpa sumacta causancuna.

SAN JUAN 12:24

Shuc trigo muyu allpapi urmashpa, jurayashpa chingarishpaca, achca granotami cun. Ashtahuanpish mana allpapi urmashpaca, paillami tiyacunlla. Chaica chashnatacmi can.

SAN LUCAS 13:18

Chashna nishca q'uipami Jesusca: “Taita Dios mandacucca, ¿ima shina cashcatatac nisha? ¿Ima parlohuan chimbapurashpatac ‘cai shinami, chai shinami’ nishpa parlasha?

SAN MATEO 13:33

Jesusca caimantapish chimbapurashpa parlashpaca: “Jahua pacha Taita Dios mandacucca, tandata ruhuac shuc huarmi, quimsa taza jarinata ashalla levadurahuan chapushpa, tucui chaputa punguillichic shinami” nirca.

SAN MATEO 13:31

Jesusca yuyaita japina parlollahuantacmi, caitapish nirca: “Jahua pacha Taita Dios mandacucca, shuc runa paipac allpapi mostaza muyuta tarpushca shinami.

SAN MATEO 13:11

Chashna tapucpimi Jesusca: —Taita Diosca pai mandacucmantaca, pimanpish mana yachachishcatami cancunamanca yachachishca, ashtahuanpish shuccunamanca mana chashna yachachishcachu.

SAN MATEO 13:3

Chaipimi Jesusca yuyaita japina parlocunahuan tauca yachachinacunata cashna nishpa yachachi callarirca: “Shuc tarpuc runami muyuta jichangapac llucshirca.

SAN MATEO 4:17

Chaimanta pachami Jesusca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nishpa huillai callarirca.

SAN MATEO 3:2

Pai huillashpaca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nirca.

MARCOS 4:25

Taita Diosca maijanpish alli yuyaita chariccunamanca ashtahuanmi cunga, ashtahuanpish mana chariccunamantaca, ashalla charishcatapish quichungami— nirca.

MARCOS 4:27

Chai tarpuc runaca tutayacpica suiñushpa, punzhayacpica jatarishpa causanllami. Ashtahuanpish chai tarpushca muyuca chai runa mana yachacpi, huiñashpa c'atinllami.