Biblia Todo Logo
Bib sou entènèt

- Piblisite -




MARCOS 4:17 - Nuevo Testamento en Quichua Cañar 1996

17 Shina chasquishpapish, uchilla sapita charic yura shina cashcamantami, ashacamanlla crincuna. Paicunata llaquicuna japicpi, mana cashpaca alli huillaita crishcamanta gentecuna p'iñacpica, crinamanta saquirincunallami.

Gade chapit la Kopi

Dios Rimashcata Quillcashcami

17 Shina cashpapish, mana sapiyuc shina cashcamantami, llaquicuna japicpi, mana cashpaca alli huillaita crishcamanta gentecuna piñacpica, crinata saquincunalla.

Gade chapit la Kopi




MARCOS 4:17
23 Referans Kwoze  

Maijanpish ñuca ima ruhuacushcata ricushpa, crishpa mana pandaricmanca, mai cushicuimi— nircami.


Cancunataca llaquicuna japigricunmi. Shina cacpipish ama manchanguichicchu. Chashnaca ‘¿crishpa c'atinchu, imami?’ nishpami, maijan cancunataca diabloca carcelpi churachinga. Chaipica chunga punzhatami llaquita apanguichic. Shina cacpipish huañungacaman ñucata c'atinguichiclla. Chashna c'aticpimi, huiñai causaita ricuchic coronata cusha.


Chaimantami cancunaman cashna nini: Ima juchata ruhuashcamantapish, c'amishpa rimashcamantapish Taita Diosca perdonangami. Ashtahuanpish Diospac Espirituta c'amishpa rimactaca, Taita Diosca manatac perdonangachu.


Cancuna Satanás*f** maipi mandacucpi causacushcataca yachanimi. Shina cashpapish ñucata c'atinataca mana saquishcanguichicchu. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichicchu.


Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.


Ashtahuanpish Diospac Churita saruc shinacunata, paipac jichashca yahuarta yangapi churashpa, Diospac c'uyac Espirituta c'amishpa rimaccunataca, chaita yallimi llaquichishca canga. Chai yahuarmi mushuc ari ninacuitaca pactachin. Shinallatac chai yahuarllatacmi juchata p'ichan.


Juezcunapac ñaupapi punta ñuca rimaricucpica, pi ñucamanta mana rimashpami ñucallata tucui shitashpa rircacuna. Paicuna chashna ruhuashcataca Taita Dios ama yuyarishca canman ninimi.


Asia llactamanta caccunaca tucui mashna ñucataca shitashpa rishcataca, canllatac yachanguimi. Paicunapurapica Figelo runapish, Hermógenes runapish carcami.


Jesusca paita cric israelcunataca:*f** —Cancunaca ñuca rimashca shimicunata cazushpa c'atishpaca, ñuca yachacuccunatacmi canguichic.


Runa Tucungapac shamushca ñucata maijanpish c'amishpa rimactaca, Taita Diosca perdonangami, ashtahuanpish maijanpish Diospac Espirituta c'amishpa rimactaca, Taita Diosca manatac perdonangachu.


Chashna cashpapish mana ucuta sapiyashca shina cashpami, llaquicuna japicpi, mana cashpaca alli huillaita uyashpa c'aticushcamanta gentecuna p'iñacpica saquincunalla.


Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescente runaca Galacia llactamanmi rirca. Cutin Tito runaca Dalmacia llactamanmi rirca.


Chai “circuncisionta*f** ruhuanaca allimi” niccunaca gentecunapac alli nishca cangapac, shinallatac Jesucristo cruzpi huañushcata crishcamanta ama pi p'iñachun nishpallami chashnaca nincuna.


Shinallatac maijan gentecunaca, rumi allpapi urmashca muyu shinami tucun. Quishpirinamanta huillacpica, cushillami crishpa chasquincuna.


Shinallatac shuccunaca, casha chaupipi urmashca muyu shinami tucun. Quishpirinamanta huillacpica, allimi uyancuna.


Swiv nou:

Piblisite


Piblisite