MARCOS 3:23 - Nuevo Testamento en Quichua Cañar 1996

²³ Chaimantami Jesusca paicunata c'ayashpa, yuyaita japina cai parlohuan cashna nirca: —¡Maitatac Satanasca,*f** Satanasllatatacca llucchishpa cachangayari!

Dios Rimashcata Quillcashcami

²³ Jesús paicunata cayashpa, yuyaita japina parlohuan parlashpaca: —¡Maitatac Satanasca, Satanasllatatac llucchishpa cachangayari!

MARCOS 3:23 Referans Kwoze

SAN MATEO 13:34

Jesusca tucui caicunataca, yuyaita japina parlocunallahuanmi gentecunamanca yachachirca. Yuyaita japina parlota mana parlashpaca, mana yachachircachu.

MARCOS 4:2

Chaipica, yuyaita japina parlocunahuanmi achcata yachachishpa, Jesusca cashna nirca:

SAN MATEO 4:10

Shina nicpi Jesusca: —¡Anchuri caimanta Satanás!*f** Dios quillcachishcapica: ‘Canta Mandac Taita Diosllata “allimari cangui” ningui, paillata servingui’ ninmi— nirca.

SAN MATEO 13:3

Chaipimi Jesusca yuyaita japina parlocunahuan tauca yachachinacunata cashna nishpa yachachi callarirca: “Shuc tarpuc runami muyuta jichangapac llucshirca.

MARCOS 3:24

Shinallatac maijan llactata mandaccunapura p'iñanacushpa, caishuc chaishuc macanacucpica, paicuna mandacushcaca chingarinmanllami.

MARCOS 4:11

Chashna tapucpimi, Jesusca cashna nirca: —Taita Diosca pai mandacucmantaca pimanpish mana yachachishcatami cancunamanca yachachishca. Ashtahuanpish caishuc gentecunamanca yuyaita japina parlocunallahuanmi yachachina cani.

MARCOS 12:1

Chai q'uipami, Jesusca yuyaita japina parlocunahuan paicunata yachachishpa cashna nirca: —Shuc runami uvas chagrata tarpurca. Chai tarpushcataca rumicunahuanmi muyundicta pircarca. Chai chagrallapitacmi, uvasta capishpa vinota ruhuanatapish ruhuarca. Chashnallatac tucui chagrata chapangapacpish, shuc torretami shayachirca. Tucui chaita ruhuashca q'uipaca, chai allpayuc runaca uvas p'ucucpica chaupinacungapacmi, shuc runacunaman saquishpa, caru llactaman rirca.