MARCOS 15:14 - Nuevo Testamento en Quichua Cañar 1996

¹⁴ Chashna caparicucpimi Pilatoca: —Cai runaca, ¿ima mana allitatac ruhuashcayari?— nishpa tapurca. Chashna nicpicarin: —¡Cai runataca chacatailla!— nishpami, ashtahuan caparircacuna.

Dios Rimashcata Quillcashcami

¹⁴ Chaimantami Pilatoca: —Cai runaca, ¿ima mana allitatac ruhuashcayari?— nirca. Chashna nicpicarin: —¡Cai runataca chacatailla!— nishpami, ashtahuan caparircacuna.

MARCOS 15:14 Referans Kwoze

SAN LUCAS 23:41

Ñucanchicca millaita ruhuashcamanta llaquita apana cashcamantami, cashna llaquita apacunchic, ashtahuanpish cai runaca ima millaita mana ruhuashcachu— nirca.

1 PEDRO 1:19

ashtahuanpish Jesucristopac sumaimana valic yahuarhuanmi quishpichishca canguichic. Paica imapish mapa illac, sumaimana pactalla ovejata*f** Diosman cushpa, rupachishca shinami carca.

HEBREOS 7:26

Ñucanchic charishun nishca shinami, Jesusca curacunata jatun mandac cura can. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Taita Diosca churashca.

HECHOS 19:34

Ashtahuanpish Alejandrotaca israelcunapura cashcata ricsishpacarin, ashtahuanmi: “¡Efeso pueblopi causaccunapac Dianaca allimari!” nishpa, tucui chaipi caccunaca ishcai hora shinata huaicashpa caparircacuna.

SAN JUAN 19:6

Chashna llucshimucta ricushpami, curacunata mandac curacunapish, Diosman mañana huasita cuidaccunapish: —¡Paitaca chacatailla, chacatailla!— nishpa, capari callarircacuna. Shina caparicpimi Pilatoca: —Shinashpaca, cancunallatac apashpa chacatagrichic. Ñucaca ima mana allitaca paipica mana tarinichu— nirca.

SAN JUAN 18:38

Chaita uyashpa Pilatoca: —¿Imatac chai cashcata cazunaca?— nishpa tapurca. Shina nishpami, Pilatoca cutin llucshishpa israelcunamanca:*f** —Ñucaca ima mana allitaca mana cai runapica tarinichu.

SAN LUCAS 23:47

Mandac soldado chai tucuita ricushpaca, Taita Diosta “allimari cangui” nishpami: —Cai runaca allita ruhuactacmi cashca— nirca.

SAN LUCAS 23:21

Shina tapucpipish tucuimi: —¡Chacatailla, chacatailla!— nishpa, ashtahuan caparircacuna.

SAN LUCAS 23:4

Shina nicpi Pilatoca curacunata mandac curacunatapish, chaipi cac tucui gentecunatapish: —Cai runapica, imapish mana alli ruhuashcataca mana tarinichu— nirca.

SAN MATEO 27:54

Pasac soldadocunata mandacpish, paihuan cuidaccunapish allpa chucchucpi, shinallatac shuctac ima tucushcacunata ricushpapish, munai manchaihuan cashpami: —Cai runaca Diospac Churitacmi cashca— nircacuna.

SAN MATEO 27:19

Pilato pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami cunan tutaca muscurcani. Paitaca ama imata ruhuanguichu— nishpa, huillachun cacharca.

SAN MATEO 27:4

Shina cutichishpaca: —Manapish juchayuc runata huañuchichun japichishpaca, juchallishcanimi— nirca. Chashna nicpi paicunaca: —Chaica ñucanchicmanca, ¿imatac curinyari? Chaitaca canchari ricungui— nircacuna.

MARCOS 15:13

Chashna tapucpica: —¡Paitaca cruzpi chacatachunmi ninchic!— nishpami caparircacuna.

MARCOS 15:15

Gentecuna chashna caparicpimi, Pilatoca paicunahuan alli saquiringaraicu Barrabastaca cacharirca. Jesustaca azutichircami. Chashna azutichishca q'uipaca, cruzpi chacatachunmi soldadocunaman curca.

HECHOS 13:28

Paicunaca Jesusta imamanta mana huañuchi pudishpaca, mandac Pilato huañuchichichunmi mañarcacuna.