MARCOS 14:72 - Nuevo Testamento en Quichua Cañar 1996

⁷² Pai chashna nicucpica, cutinllatac galloca cantarcallami. Chai horasmi Pedroca Jesús puntaman: “Manarac gallo ishcai cutin cantacpimi, quimsa cutin ‘mana ricsinichu’ ningui” nishcataca yuyarirca. Pedroca chaita yuyarishpami, munai llaquirishpa huacarca.

Dios Rimashcata Quillcashcami

⁷² Pai chashna nicucpica, cutinllatacmi galloca cantarca. Chai horasmi Pedroca Jesús puntaman: “Manarac gallo ishcai cutin cantacpimi, quimsa cutin negangui” nishcataca yuyarirca. Chaita yuyarishpami huacarca.

MARCOS 14:72 Referans Kwoze

MARCOS 14:30

Pedro shina nicpi Jesusca: —Cunan tutallatacmi gallo manarac ishcai cutin cantacpi, ñucataca quimsa cutin ‘mana ricsinichu’ ningui. Chaica chashnatacmi canga— nirca.

MARCOS 14:68

Shina nicpi Pedroca: —Paitaca mana ricsinichu. Imatatacpishchari nicungui, mana yachanichu— nirca. Chashna nishpa chai huasi canzha punguman llucshicpica, ñapish galloca cantarcallami.

2 CORINTIOS 7:10

Dios munashca shina maijanpish llaquirishpaca, Diosman cutirishpa quishpirinatami japinga. Shina japina cashcamantaca, imamantapish mana llaquirinachu can. Ashtahuanpish cai pacha gentecuna munashca shina maijanpish llaquirishpaca, huañuitami japinga.

SAN LUCAS 22:62

Chaita yuyarishpami, Pedroca chaimanta canzhaman llucshishpaca, munai huacarca.

SAN LUCAS 22:60

Chashna nicpipish, Pedroca chai runataca: —Imamantapish nicunguichari, mana entendinichu— nirca. Pedro chashna nicucpica, ñapish galloca cantarcallami.

SAN MATEO 26:34

Chashna nicpi Jesusca: —Cunan tutallatacmi gallo manarac cantacpi, quimsa cutin ñucataca ‘mana ricsinichu’ ningui. Chaica chashnatacmi canga— nirca.

MARCOS 14:71

Paicuna chashna nicpi Pedroca: —¡Taita Diospac shutipimi nini, pimantatacpishchari rimacunguichic, chai runataca manatac ricsinichu!— nirca.