MARCOS 14:54 - Nuevo Testamento en Quichua Cañar 1996

⁵⁴ Pedroca caru carullatami c'atishpa, curacunata jatun mandac curapac huasi pungu pambacaman rirca. Chaiman yaicushpaca, Diosman mañana huasita cuidaccunahuanmi ninapi mashashpa tiyacurca.

Dios Rimashcata Quillcashcami

⁵⁴ Pedroca carutami catishpa, curacunata jatun mandac curapac huasi pungu pambacaman rirca. Chaipimi Diosta mañana huasita cuidaccunahuan ninapi mashashpa tiyacurca.

MARCOS 14:54 Referans Kwoze

SAN JUAN 18:18

Yalli chiri cashcamantami Diosman mañana huasita cuidaccunapish, serviccunapish ninata japichishpa masharishpa shayacurca. Pedropish chaillapitacmi paicunahuan masharicurca.

SAN MATEO 26:3

Chai punzhacunapimi Israel*f** curacunata mandac curacunapish, cunac yuyaccunapish, curacunata jatun mandac Caifaspac huasipi tandanacurcacuna.

SAN JUAN 18:25

Chaicamanca Pedroca ninapi masharishpami shayacurca. Chaipimi paihuan caccunaca: —¿Manachu canpish chai runapac yachacuc cangui?— nishpa tapurca. Chashna tapucpica, cutinllatacmi Pedroca: —Ñucaca mana chaichu cani— nirca.

SAN LUCAS 22:44

Jesús munai llaquihuan cashpami, ashtahuan Taita Diosman mañarca. Chashna mañacucpica, jumbipish yahuar shinami pambaman shuturca.

MARCOS 14:38

Cancunata imapish mana allita ruhuana yuyaicuna ama japichunca, riccharishpa Taita Diosman mañacuichic. Cancunapac shungu mañana yuyaita charicpipish, cancunapac cuerpoca shaicunllami— nirca.

SAN MATEO 26:58

Pedroca caru carullatami chai huasi pungu pambacaman c'atishpa rirca. Chashna rishpaca, Diosman mañana huasita cuidaccunahuanmi Jesusta ima ruhuacta ricungapac canzhallapi saquirirca.

MARCOS 14:66

Pedroca ucu pungu pambapimi tiyacurca. Chaimanmi curacunata jatun mandac curata servic huarmicunapuramanta shuc huarmimi shamurca.

SAN LUCAS 22:54

Chai q'uipami Jesustaca ña japishpa, curacunata jatun mandac curapac huasiman aparircacuna. Pedroca caru carullatami c'aticurca.