MARCOS 13:6 - Nuevo Testamento en Quichua Cañar 1996

⁶ Achcacunami ñuca shutipi shamushpa: ‘Ñucami Quishpichic Cristoca cani’ nishpa, achcacunata llullashpa pandachingacuna.

Dios Rimashcata Quillcashcami

⁶ Achcacunami ñuca shutipi shamushpa: “Ñucami Cristoca cani” nishpa, achcacunata pandachinga.

MARCOS 13:6 Referans Kwoze

MARCOS 13:22

Chai punzhacunapica ‘ñucami Cristoca cani’ nishpa llullaccunapish, shinallatac ‘Diosmantami huillacunchic’ niccunapish tiyangami. Chaicunaca pi mana ruhuaipaccunatapish, pi mana ricushcacunatapish ruhuashpa ricuchingacunami. Chashna ruhuashpaca, Taita Dios acllashcacunatapish ima shinapish pandachinatami yuyangacuna. Chashna cacpipish paicunaca mana pandaringacunachu.

1 JUAN 4:1

C'uyashca criccuna, cai pachapica taucacunami “Diosmanta huillaccunami canchic” niccuna tiyan. Shina cacpipish ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

SAN JUAN 8:24

Chaimantami ‘cancunapac juchallapitac huañunguichic’ nircani. Ñuca pi cashcata cancuna mana crishpaca, cancunapac juchallapitacmi huañunguichic— nirca.

SAN JUAN 5:43

Ñuca Taita cachashca shamucpipish, mana chasquinguichicchu, ashtahuanpish shuc runa pai quiquinllamanta huillashpa shamucpica chasquinguichicmanmi.

SAN MATEO 24:11

Shinallatac achca llullac huillaccunami shamushpa, achca gentecunata llullashpa pandachingacuna.

SAN MATEO 24:5

Achcacunami ñuca shutipi shamushpa: ‘Ñucami Quishpichic Cristoca cani’ nishpa, achcacunata llullashpa pandachingacuna.

MARCOS 13:5

Shina nicpi Jesusca cashnami nirca: —Pi cancunata ama pandachichunca, alli yuyaihuan puringuichic.

MARCOS 13:7

Cancunaca quiquin llactapipish, caru llactacunapipish ‘ima mundo macanacuicunami tiyan’ ninacuctapish uyanguichicmi. Chaita uyashpapish, ama mancharinguichicchu. Chashna achca llaquicunaca tiyangallatacmi. Chashna tucucpipish, cai pachaca manarac tucuringachu.

SAN JUAN 8:28

Chaimantami Jesusca cashna nirca: —Runa Tucungapac shamushca*f** ñucata cancuna jahuaman churashpami, ñuca pi cashcataca yachanguichic. Shinallatac ñuca munaimanta imatapish mana ruhuac cashcata, ashtahuanpish ñuca Taita yachachishcata nic cashcatapish yachanguichicmi.