MARCOS 12:7 - Nuevo Testamento en Quichua Cañar 1996

⁷ Paipac churi shamucta chai runacuna ricushpacarin: ‘Paimi taita charishcacunataca tucui japinga. Chaimanta pai japinata ñucanchic japingapac huañuchishunchic’ nircacuna.

Dios Rimashcata Quillcashcami

⁷ Chai runacuna churi shamucta ricushpacarin: “Paimi taita charishcacunataca tucui japinga. Chaimanta pai japinata ñucanchic japingapac huañuchishunchic” ninacurca.

MARCOS 12:7 Referans Kwoze

HECHOS 7:52

Cancunapac ñaupa taitacunaca, Diosmanta ñaupa huillaccunata tucui mashnatami mana ricushun nishpa llaquichircacuna. Paicunami: ‘Jucha illac, imatapish cashcata ruhuacca shamungami’ nishpa huillaccunataca huañuchircacuna. Shinallatacmi cancunaca pai jucha illac ña shamucpica, millai runacunaman cushpa huañuchircanguichic.

HECHOS 5:28

—Ñucanchicca cancunataca: ‘Pacta chai runamantaca cutin yachachinguichicman’ nircanchicca. Ashtahuanpish chashna nishca jahuachu, tucui Jerusalenpi yachachircanguichic. ‘Jesustaca cancunami huañuchircanguichic’ nishpapish, ñucanchictaca juchanchicunguichicmi— nirca.

HECHOS 2:23

Chashna cashpapish Taita Dios ñaupaman yachashca, munashca shinallatacmi, Jesustaca cancunaman cucpi, prezu japishpa, millai runacunaman chacatachun cushpa huañuchircanguichic.

MARCOS 12:12

Yuyaita japina parlocunahuan Jesús paicunata rimashcamantami, paicunaca “Jesusta prezu japishun” nishpa yuyarircacuna. Chashna yuyacushpapish gentecunata manchashcamantami, mana imata ruhuashpa rircacunalla.

SAN MATEO 2:16

Yachac runacuna paipacman mana cutimushpa umashcamantami, Herodesca munai p'iñarishpa, tucui muyundic Belén llactapi causac, manarac ishcai huatata charic c'ari huahuacunata huañuchichun mandarca. Chaitaca, yachac runacuna lucerota ricushca punzhamanta pachami yuyarishpa, chashnaca ruhuachirca.

SAN MATEO 21:34

Uvas pallana punzha chayacpica, chai allpayuc runaca paita serviccunatami, chai chagrahuan saquiric runacunamanta pai japina cashcata chaupimuchun cacharca.

MARCOS 12:6

Ña tucuita cachashca q'uipaca, chai allpayuc runapacca paipac shuclla c'uyashca churimi tiyarcarac. ‘Ñuca churitaca manchashpa, manapishchari imata ningacuna’ nishpami, paitapish cacharca.

MARCOS 12:8

Chashna ninacushpami, chai churitaca japishpa huañuchircacuna. Chaimantaca uvas chagramanta llucchishpami shitarcacuna.

HEBREOS 1:2

Shina cacpipish cunan tucuri punzhacunapica, paipac Churitami ñucanchicmanca huillachirca. Taita Diosca Paillahuantacmi, cai pachatapish ruhuarca. Shinallatac tucui ima tiyashcatapish, Paillamantacmi cushca.