MARCOS 12:26 - Nuevo Testamento en Quichua Cañar 1996

²⁶ Zarza yurapi nina rupacuc chaupimanta Taita Dios rimashcata Moisés quillcashcataca, ¿manachu ricushcanguichic? Taita Diosca huañushcacuna causarina cashcamanta huillashpaca, chai yuramantami: ‘Ñucaca Abrahampac, Isaacpac, Jacobopac Diosmi cani’ nishca.

Dios Rimashcata Quillcashcami

²⁶ Zarza yura rupacuc chaupimanta Dios rimashcata Moisés quillcashcataca, ¿manachu ricushcanguichic? Dios huañushcacuna causarinamanta chai yura chaupimanta rimashpaca: “Ñucaca Abrahampac, Isaacpac, Jacobopac Diosmi cani” nishcami.

MARCOS 12:26 Referans Kwoze

SAN LUCAS 20:37

Rupacuc zarza yuramanta Taita Diosca: ‘Ñucaca Abrahampac, Isaacpac, Jacobopac Diosmi cani’ nishcatami, Moisés quillcashca. Chashna nishpaca, paipish huañushcacuna causarina cashcatami huillashca.

MARCOS 12:10

Cancunaca Dios quillcachishcapi cashna nishcataca, ¿manachu ricushcanguichic? Chaipica: ‘Huasita ruhuaccuna mana nishca shitashca rumillatacmi, huasita ruhuangapac callaripi churana, tucuimanta yalli alli rumi tucushca.

MARCOS 12:25

Huañushcacuna causarina punzhapica c'aricunapish, huarmicunapish mana cazarangacunachu. Paicunaca jahua pachapi causac angelcuna shinami cangacuna.

SAN JUAN 20:17

Shina nicpi Jesusca: —Ñucaca manarac ñuca Taitapacman huichiyanichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichiyagrini’ ninmi, nishpa huillagri— nirca.

ROMANOS 11:2

Taita Diosca callarimanta pachami israelcunataca acllarca. Chaimanta cunanca mana shitashcachu. Dios quillcachishcapi Eliasmanta ima nishcataca, ¿manachu yachanguichic? Chaipica pai Diosman mañacushpaca israelcunata juchanchishpami cashna nirca: