MARCOS 11:12 - Nuevo Testamento en Quichua Cañar 1996

¹² Cayandic punzha paipac yachacuccunandic Betania pueblomanta ña llucshicushpami, Jesusca yarcachirca.

Dios Rimashcata Quillcashcami

¹² Cayandi punzha Betania pueblomanta llucshicushpaca Jesusca yarcachircami.

MARCOS 11:12 Referans Kwoze

SAN JUAN 19:28

Chai q'uipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.

SAN MATEO 4:2

Chaipi chuscu chunga punzhata, chuscu chunga tutata mana micushca cashpami, Jesusca yarcachirca.

HEBREOS 2:17

Chai shina ayudangapacmi, paipac huauquicuna shina tucuna carca. Chai shina tucushpaca, tucui gentecunapac juchacunata anchuchingapacmi, allita pactachic, tucuita llaquic, Diospacta ruhuac curacunata jatun mandac cura tucurca.

SAN LUCAS 4:2

Chaipi chuscu chunga punzhacunata cacpimi, supaicunata mandac Satanasca*f** Jesusta pandachisha rirca. Chai tucui punzhacunata mana micushca cashpami, Jesusca yarcachirca.

MARCOS 11:13

Chashna yarcaihuan ricushpaca, carumanta shuc p'angasapa higo yura shayacuctami ricurca. “Chai yuraca ñami p'ucushca canga” nishpami, ricungapac rirca. Chai yuraman chayashpa ricucpica, manarac p'ucuna punzhacuna pactashcamanta chushac p'angallami junda carca.

MARCOS 11:20

Cayandic tutamanta ñanta ricushpaca, higo yurataca tucui sapindic chaquishcatami ricurcacuna.