MARCOS 10:33 - Nuevo Testamento en Quichua Cañar 1996

³³ —Cunanca Jerusalenman ricushcataca, cancunallatac yachanguichicmi. Chaipimi Runa Tucungapac shamushca*f** ñucataca, curacunata mandac curacunapacmanpish, mandashcacunata yachachiccunapacmanpish japishpa apangacuna. Paicunaca ñucataca ‘huañunami cangui’ nishpami, mana israelcunaman*f** cungacuna.

Dios Rimashcata Quillcashcami

³³ —Cunanca, Jerusalenmanmi ricunchic. Chaipimi Runa Tucungapac shamushca ñucataca, curacunata mandac curacunamanpish, mandashcacunata yachachiccunamanpish japichinga. Paicunami huañuchingapac juchanchishpa, mana israelcunaman cunga.

MARCOS 10:33 Referans Kwoze

SAN MATEO 27:2

Shina yuyaita japishpami, Jesusta huatashpa chai llactata mandachun Roma*f** llacta churashca mandac Pilatopacman aparcacuna.

MARCOS 8:31

Jesusca cashna nishpami, paipac yachacuccunamanca yachachi callarirca: —Runa Tucungapac shamushca*f** ñucaca, achca llaquicunata apanami cani. Curacunata mandac curacunapish, cunac yuyaccunapish, mandashcacunata yachachiccunapish ñucataca manatac ricunachishpa huañuchingacunami. Shina huañuchicpipish, quimsa punzhapica causarishallami— nirca.

SAN MATEO 26:66

Paillatac cashna nicpica, ¿cancunaca imatatac ninguichic?— nishpami, chaipi caccunamanca tapurca. Shina nicpi paicunaca: —¡Pai chashna rimashcamantaca, huañunami can!— nircacuna.

SAN MATEO 16:21

Chashna nishca q'uipallatacmi, Jesusca paipac yachacuccunamanca cashna nishpa yachachi callarirca: —Jerusalén pueblomanmi rina cani. Chaipimi curacunata mandac curacunapish, cunac yuyaccunapish, mandashcacunata yachachiccunapish llaquichicpi, mai llaquita apashpa huañuna cani. Shina cashpapish quimsa punzhapica causarishallami— nirca.

SANTIAGO 5:6

Mana juchanchipac gentecunatami, cancunaca juchanchishpa huañuchishcanguichic. Paicunaca mana c'ariyarcachu.

HECHOS 20:22

Ñuca shungupi Jerusalenman rina yuyailla cashpami, chai pueblopi ima tucuna cashcatapish mana yachashpa, cunanca ricuni.

HECHOS 13:27

Jerusalenpi causaccunapish, paicunata mandaccunapish, Jesús pi cashcataca mana yacharcacunachu. Diosmanta ñaupa huillaccuna huillashcata samana punzhacunapi rizashcata uyashpapish, mana entendishpami Jesusta huañuchishpaca, paicunallatac chai huillaccuna huillashcataca pactachircacuna.

SAN JUAN 19:11

Shina nicpi Jesusca: —Taita Dios imatapish ruhuana cashcata cucllapimi, ñucataca imatapish ruhuai pudingui. Shina cacpica, canman apamushpa cucmi, canta atishpa yalli juchayucca can— nirca.

SAN JUAN 18:28

Curacunata jatun mandac Caifaspac huasimantaca, Roma*f** llactata mandashpa tiyana huasimanmi Jesusta aparcacuna. Tutamanta ña pacarimugricucpimi, pascua*f** micuita micungapacca ama mapayashun nishpa, israelcunaca*f** jatun mandacpac ucumanca mana yaicurcacuna.

SAN LUCAS 23:21

Shina tapucpipish tucuimi: —¡Chacatailla, chacatailla!— nishpa, ashtahuan caparircacuna.

SAN LUCAS 9:22

Runa Tucungapac shamushca*f** ñucaca llaquicunata apanami cani. Curacunata mandac curacunapish, cunac yuyaccunapish, mandashcacunata yachachiccunapish ñucata mana ricunachishpa huañuchingacunami. Chashna huañuchicpipish, quimsa punzhapica causarishallami— nirca.

MARCOS 15:1

Tutamanta ña pacarimucucpimi, Israel*f** curacunata mandac curacunaca cunac yuyaccunahuanpish, mandashcacunata yachachiccunahuanpish, shinallatac caishuc mandaccunahuanpish parlanacungapac tandanacurcacuna. Chai q'uipami, mandac Pilatopac ñaupaman Jesustaca huatashpa aparcacuna.

MARCOS 14:64

Pai Dios tucushpa, chashna nishpa Diosta p'iñachicushcataca cancunallatac ña uyashcanguichicmi. Paillatac chashna nishcamantaca, ¿imatatac ninguichic?— nishpa, chaipi caccunaman tapurca. Shina tapucpica: —¡Pai chashna rimashcamantaca, huañunami can!— nircacunami.

MARCOS 9:31

Chaipica: “Runa Tucungapac shamushca*f** ñucataca runacunaman japichingacunami. Paicunami ñucataca huañuchingacuna. Chashna huañuchicpipish, quimsa punzhapica causarishallami” nishpa, paipac yachacuccunaman yachachicushcamantami, chashnaca yuyacurca.

MARCOS 9:12

Shina tapucpimi, Jesusca paicunataca: —Ari, tucuita allichingapacca Eliasracmi shamuna can. Shinallatacmi Dios quillcachishcapica: ‘Runa Tucungapac shamushca ñucataca mana ricunachishpa llaquichingacunami’ nicun.

SAN JUAN 18:32

Chashnami, Jesús pai ima shina huañuna cashcata huillashcaca pactarca.