MARCOS 10:30 - Nuevo Testamento en Quichua Cañar 1996

³⁰ cai pachapica pasac cutinhuanmi huasicunata, huauquicunata, panicunata, mamacunata, huahuacunata, allpacunatapish chasquinga. Chashnallatac ñucata c'aticushcamanta gentecuna p'iñashpa llaquichicpipish, shamuc punzhapica huiñai causaitami charinga. Chaica chashnatacmi canga.

Dios Rimashcata Quillcashcami

³⁰ cai pachapica patsac cutinhuanmi huasicunata, huauquicunata, panicunata, mamacunata, huahuacunata, allpacunata chasquinga. Chashnallatac ñucata caticushcamanta gentecunapac piñashca, llaquichishca cashpaca shamuc punzhapica huiñai causaitami charinga. Chaica, chashnatacmi canga.

MARCOS 10:30 Referans Kwoze

FILIPENSES 3:8

Ñucata Mandac Jesucristomanta sumac yachana tucuita yalli alli cacpimi, ñucapac tucui imalla allicunatapish yangata ruhuashpa saquircani. Cristota c'uyashpa paihuan cangapacmi, chai tucui yangallacunataca ima mapata laya shitarcani.

SAN LUCAS 18:30

cai pachapica ashtahuan charinga. Shamuc punzhapicarin, huiñai causaitami chasquinga. Chaica chashnatacmi canga— nirca.

2 CORINTIOS 6:10

Llaquilla cashpapish, punzhantami cushicunchic. Huacchacuna shina cashpapish, taucacunatami chayucyachinchic. Imata mana charic shina cashpapish, tucuitami charinchic.

SANTIAGO 1:12

Imapish mana alli munaicuna shamucpi, chaita mishacmanca mai cushicuimi canga. Chashna mishacmi Dios paita c'uyaccunaman cusha nishca huiñai causai coronataca japinga.

SANTIAGO 5:11

Chai shina mana p'iñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana p'iñarishpa llaquita apashcatapish, shinallatac q'uipaman Mandac Dios paiman ima allicunata cushcatapish yachanguichicmi. Taita Diosca yallita c'uyac, llaquic Diosmi.

APOCALIPSIS 3:18

Chaimantami ñucaca: ‘Ninapi rupachishca curita ñucamanta randishpa chayucyaichic’ nini. Shinallatac: ‘Cancuna lluchulla pingailla cashcata ama pi ricuchun, yuraclla churanata randishpa churarichic’ ninimi. ‘Ñahui alli ricuchunpish, jambita randishpa churarichic’ ninimi.

1 TIMOTEO 6:6

Chayucyanamanta nishpaca, maijanpish ima charishcallahuan cushi causashpaca, pai crishcamantaca yallita charishca shinami can.

HECHOS 5:41

Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna.

1 JUAN 3:1

Ñucanchic Taita Dios mai c'uyashcamantami, ñucanchictaca paipac huahuacuna nishpa c'ayan. Chaica chai shinatacmi canchic. Chaimantami cai pachapaclla causaccunaca Diosta mana ricsishcamanta, ñucanchic paipac cashcatapish mana ricsincuna.

2 TESALONICENSES 2:16

Ñucanchicta c'uyac Taita Diosllatac, shinallatac pai c'uyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

ROMANOS 6:23

Juchata ruhuashpa causacushcamantaca, huañuitami japina can. Ashtahuanpish ñucanchic Apunchic Jesucristohuan shuc shinalla caccunamanca, Taita Dios mai c'uyashpa, huiñai causaitaca yangami cun.

ROMANOS 5:3

Mana chaillamantachu cushicunchic, ashtahuanpish llaquita apashcamantapish cushicunchicmi. Chai llaquicunami mishangapac ashtahuan alli crina yuyaita cun.

HECHOS 16:25

Chashna huatashca cashpapish, Pabloca Silasndic chaupi tuta shinataca Taita Diosman mañashpa cantacucpimi, chaipi cac caishuc prezucunapish chaita uyarcacuna.

SAN JUAN 10:23

Jesusca Diosman mañana huasipi cashpami, ñaupa mandac Salomón ruhuashca pungu pambapi puricurca.

SAN MATEO 12:32

Shinallatac Runa Tucungapac shamushca*f** ñucata mana alli nishpa rimactapish, Taita Diosca perdonangami. Ashtahuanpish Diospac Espirituta mana alli nishpa rimactaca, cai pachapipish, q'uipa punzhapipish Taita Diosca manatac perdonangachu.

SAN MATEO 6:33

Cancunaca tucuimanta yallica, Taita Dios munashcata ruhuashpa, pai mandacucpi causanata yuyaichic. Shinashpaca, cancunapac ima illashcatapish chasquinguichicllami.

APOCALIPSIS 2:9

Cancuna ima shina llaquicunata apacushcatapish, cancuna huaccha cashcatapish yachanimi. Shina cashpapish cancunaca chayuccunami canguichic. ‘Israelcunami*f** canchic’ niccuna cancunata mana alli nishpa, rimac cashcatapish yachanimi. Chaicunaca mana israeltacchu, ashtahuanpish Satanaspacta*f** ruhuangapac tandanacuccunami.

1 JUAN 2:25

Jesucristoca huiñai causaitami ñucanchicmanca cusha nishca.

SAN MATEO 13:8

Ashtahuanpish maijan muyuca alli allpapimi urmarca. Chaimantami alli p'ucushpa maijanca shucmanta pasacta, maijanca sucta chungata, maijanca quimsa chungata p'ucurca.

HECHOS 14:22

Chai pueblocunaman chayashpa, chaipi causac criccunataca: “Jesusta crishcata mana saquishpa, alli c'atichic” nircacunami. Shinallatac: “Tucui laya llaquicunata apashpami, Taita Dios mandacucmanca yaicuna canchic” nircacuna.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Taita Dioshuan alli canami tucuimanta yalli allica. Cai causaipacpish, q'uipa causaipacpish allicunatami apamun.