MARCOS 10:19 - Nuevo Testamento en Quichua Cañar 1996

¹⁹ Mandashcacunapi ima shina nicuctaca, canllatac yachanguimi. Chaipica: ‘Ama huaclliringui, ama huañuchingui, ama shuhuangui, ama llullangui, ama umangui, cambac taita mamata c'uyangui’ nicunmi— nirca.

Dios Rimashcata Quillcashcami

¹⁹ Mandashcacunataca canllatac yachanguimi. Chaipica: “Ama huainayangui, ama huañuchingui, ama shuhuangui, ama llullangui, ama umangui, cambac taita mamata cuyangui” nicunmi— nirca.

MARCOS 10:19 Referans Kwoze

ROMANOS 13:9

Dios mandashcacunapica: “Ama huaclliringui, ama huañuchingui, ama shuhuangui, shucpac charishcata ama munangui” ninmi. Tucui cai mandashcacunapish, caishuc mandashcacunapish: “Can quiquinllatac ima shinami c'uyaringui, shinallatac shuccunatapish c'uyangui” nishca shinallatacmi can.

SANTIAGO 2:11

Taita Diosllatacmi: “Ama huaclliringui” shinallatac “ama huañuchingui” nirca. Shina cashcamanta maijan mana huacllirishpapish huañuchishpaca, tucui mandashcacunata mana pactachic shinallatacmi tucun.

SAN LUCAS 18:20

Mandashcacunapi ima shina nicuctaca, canllatac yachanguimi. Chaipica: ‘Ama huaclliringui, ama huañuchingui, ama shuhuangui, ama llullangui, shinallatac cambac taita mamatapish c'uyangui’ nicunmi— nirca.

1 TESALONICENSES 4:6

Chaimanta pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucui mashnatami Apunchic Jesusca yallita llaquichinga.

GÁLATAS 5:14

Moisés mandashcacunapica: “Can ima shinami c'uyaringui, shinallatac shuccunatapish c'uyangui” ninmi. Tucui mandashcacunami chai shinallatac nin.

GÁLATAS 4:21

“Moisés mandashcacunata cazushpa causanaca allimi” niccunamanca caitami nisha nini: ¿Manachu cancunaca Moisés mandashcacuna imata nicushcataca yachanguichic?

ROMANOS 3:20

Taita Diosca mandashcacunata pactachishcallamantaca pitapish paihuan alli tucuchunca mana chasquingachu. Chai mandashcacunaca ñucanchic juchayuccuna cashcata ricuchingapacllami can.

MARCOS 10:18

Shina tapucpimi Jesusca: —¿Ima nishpatac ñucata alli ningui? Shucllami allica tiyan, chaica Taita Diosmi.