MARCOS 1:4 - Nuevo Testamento en Quichua Cañar 1996

⁴ Chai ñaupachishpa cachashca huillacca, Bautizac Juanmi carca. Paimi shitashca pambapi gentecunata bautizacurca. Shinallatac: —Cancunaca juchayuc cashcamanta llaquirishpa, Diosman cutirichic, bautizarichic. Chashna ruhuacpimi, Taita Diosca cancunapac juchacunata perdonanga— nishpami huillacurca.

Dios Rimashcata Quillcashcami

⁴ Bautizac Juanca shitashca pambapimi bautizarinamanta, juchayuc cashcamanta llaquirishpa, Diosman cutirinamanta alli huillaita huillacurca.

MARCOS 1:4 Referans Kwoze

SAN JUAN 3:23

Bautizac Juanpish chai punzhacunallapitacmi, Salim llacta cuchullapi cac Enón llactapi achca yacu tiyashcamanta paipacman shamuc gentecunataca bautizacurca.

SAN MATEO 3:6

Paicunataca juchacunamanta llaquirishpa Taita Diosman huillacpimi, Juanca bautizac carca.

SAN LUCAS 1:77

Can rishpaca, pai acllashca gentecuna juchacunata ruhuashcamanta perdonashca cachunmi, quishpirinamantaca yachachingui.

HECHOS 22:16

Cunanca ama imata ashtahuan shuyashpa, jatarishpa bautizari. Cambac juchacunamanta Taita Dios chuyayachichunca, Apunchic Jesusman mañai’ nirca.

HECHOS 10:37

Juan bautizarinamanta huillashca q'uipaca, Galilea llactamanta callarishpa, Judea llactacaman ima tucushcataca cancunallatac alli yachanguichicmi.

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

MARCOS 1:5

Juanpacmanca Jerusalén pueblomantapish, Judea llactamantapish tucuimi pai huillashcata uyangapacca shamuccuna carca. Chai shamuccunataca llaquirishpa, juchacunata huillaccunatami Juanca, Jordán yacupi bautizarca.