SAN LUCAS 9:41 - Nuevo Testamento en Quichua Cañar 1996

⁴¹ Chashna nicpi Jesusca: —¡Aij, mana cric millai gentecunalla! ¿Ima punzhacamantac cancunamanca yachachishpa causacushalla? ¿Maicamanchari cancunahuanca llaquita apacushalla? Cambac huahuata caiman pushamui— nirca.

Dios Rimashcata Quillcashcami

⁴¹ Chashna nicpimi Jesusca: —¡Aij, mana cric millai gentecunalla! ¿Ima punzhacamantac yachachicushalla? ¿Maicamantac cancunahuan llaquita apacushalla? Cambac churita pushamui— nirca.

SAN LUCAS 9:41 Referans Kwoze

SAN JUAN 20:27

Chashna nishca q'uipami Tomastaca: —Cambac dedota ñuca maqui chugripi satishpa ricui, shinallatac cambac maquita ñuca costillas quinrai chugripi satishpa ricui. Ama mana crishpa puricuichu, ashtahuanpish criyari— nirca.

SAN JUAN 14:9

Shina nicpimi, Jesusca cashna nirca: —Felipe, ña unaitami cancunahuanca cani. ¿Chashna cashca jahuachu ñucataca mana ricsingui? Maijanpish ñucata ricucca ñuca Taitatapish ricunmi. ¿Ima nishpatac ñuca Taitataca ricuchi ningui?

MARCOS 9:19

Shina nicpi Jesusca: —¡Aij, mana cric millai gentecunalla! Cancunahuanca, ¿maicamantac yachachishpa causacushalla? ¿Maicamantac cancunahuanca llaquita apacushalla? Huambrata caiman apamuichic— nirca.

SAN MATEO 17:17

Chaimantami Jesusca: —¡Aij, mana cric millai gentecunalla! ¿Ima punzhacamantac cancunamanca yachachishpa causacushalla? ¿Maicamanchari cancunahuanca llaquita apacushalla? Huambrata caiman apamuichic— nirca.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

HEBREOS 4:11

Chai ñaupa mana cazuccuna shina shucllapish ama chashna tucungapacca, mana saquirishpami chai samarinaman yaicungapac ñucanchicca c'atirana canchic.

HEBREOS 4:2

Paicuna shinallatacmi ñucanchicpish alli huillaitaca chasquircanchic. Shina cashpapish paicunaca alli huillaita cazushpa, criccunahuan mana tandanacurcachu. Chaimantami paicuna alli huillaita chasquishcaca, paicunamanca yangalla carca.

HEBREOS 3:19

Shina cacpica, paicuna mana crishcamantami, chai samarinamanca mana yaicui pudishcata yachanchic.

ROMANOS 2:4

Taita Dios paipac c'uyaillamanta paipacman c'ayashcata mana yuyarishpaca, pai punzhanta llaquicushcatapish, mana p'iñarishpa shuyacushcatapish yangapimi churacungui.

HECHOS 13:18

Chashna llucchishpaca, shitashca pambapi chuscu chunga huatata paicuna mana allicunata ruhuacpipish, Taita Diosca mana saquircachu.

HECHOS 2:40

Pedroca mana chashnallachu nirca, ashtahuanpish cutin cutin cunashpaca: —Cunan millaita ruhuaccunataca, Taita Diosca llaquichingami. ¡Cancunapish ama chashna tucungapacca quishpirichic!— nishpami yachachirca.

SAN LUCAS 8:25

Chai q'uipami Jesusca yachacuccunataca: —¿Ima nishpatac ñucataca mana crircanguichic?— nirca. Chashna nicpi paicunapura munai mancharishpa, mana amirinacushpa: —Cai runa, ¿ima cacpitac huairapish, yacupish pai nishcataca cazunyari?— nishpa tapunacurcacuna.

SAN MATEO 16:4

Cunan punzhapi causac mana cric millai gentecunaca: ‘Pi mana ruhuaipacta ruhuashpa ricuchi’ nishpami mañancuna. Chashna cashpapish imata mana ricungacunachu, ashtahuanpish Diosmanta ñaupa huillac Jonás ima shina tucushcallatami ricungacuna— nirca. Chashna nishpaca, paicunapacmanta rircallami.

SAN MATEO 12:39

Chashna nicpi Jesusca: —Cai mana cric millai gentecunaca: ‘Pi mana ruhuaipacta ruhuashpa ricuchi’ nishpami mañancuna. Chashna cashpapish imata mana ricungacunachu, ashtahuanpish Diosmanta ñaupa huillac Jonás ima shina tucushcallatami ricungacuna.

SAN MATEO 3:7

Shina bautizacucpimi, achca fariseocunapish,*f** saduceocunapish*f** bautizarisha nishpa shamurca. Shina shamucta ricushpami, Juanca: —¡Culebra shina millai gentecuna! Taita Dios p'iñarishpa ima mundota ñalla llaquichigricushcamanta cancuna quishpirichunca, ¿pitac huillarcayari?

MARCOS 10:49

Chashna caparicucpimi, Jesús chaillapi shayarishpaca: —Paita c'ayamugrichic— nishpa cacharca. C'ayangapac riccuna chai runataca: —Jatari, ama manchaichu. Jesús c'ayacunmi— nircacuna.

MARCOS 10:14

Chashna jarcacucta ricushpami, Jesusca p'iñarishpa paipac yachacuccunataca: —Saquichic, huahuacuna ñucapacman shamuchun ama jarcaichicchu. Cai huahuacuna shina caccunami Taita Dios mandacucmanca yaicunga.

SAN MATEO 23:36

Tucui chai mana allita ruhuashcamantaca, cunan punzhapi causac gentecunatami Taita Diosca llaquichinga. Chaica chashnatacmi canga.

SAN MATEO 12:45

Chashna tarishpaca, paita yalli ashtahuan millai caishuc canchis supaicunata pushashpami, chai runapica causangapac shamun. Chaimantami chai runaca, ñaupa causacushcatapish yalli ashtahuan millai runa tucun. Chai shinallatacmi cunan punzhapi causac millai gentecunapish tucunga— nirca.

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

SAN LUCAS 9:40

Cambac yachacuccunamanca: ‘Supaita llucchishpa cachashpa cuichic’ nishpa, ñami mañarcani. Shina mañacpipish, paicunaca mana pudircacunachu— nirca.

SAN LUCAS 9:42

Jesuspacman chai huambra ña cuchuyamucpica, cutinllatacmi supaica chucchuchishpa, pambaman urmachirca. Chashna cacpipish Jesusca chai supaitaca sinchita rimashpami, llucchishpa cacharca. Chashna alliyashca huambratami taitaman curca.