SAN LUCAS 9:35 - Nuevo Testamento en Quichua Cañar 1996

³⁵ Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

Dios Rimashcata Quillcashcami

³⁵ Chai puyu ucumanta shuc rimashca uyarishpaca: «Caimi ñuca cuyashca Churi. Pai ima nishcata uyanguichic» nirca.

SAN LUCAS 9:35 Referans Kwoze

SAN LUCAS 3:22

Chashnallatac Diospac Espíritu paloma shina jahuamanta shamushpa, paipac jahuaman uricumucuctami ricurca. Shinallatac jahua pachamanta rimashpaca: —Canmi ñuca c'uyashca Churi cangui. Canllami ñucataca cushichingui— nishcami uyarirca.

SAN MATEO 3:17

Shinallatac jahua pachamanta rimashpaca: “Caimi ñuca c'uyashca Churica. Paillami ñucataca cushichin” nishcami uyarirca.

HEBREOS 5:9

Chai shina llaquita apashpa, Taita Dios ima nishcata tucui pactachishpami, maijanpish paita cazuccunapacca huiñaita Quishpichic tucurca.

HEBREOS 3:15

Chaimanta Dios quillcachishcapica: “Dios ima nishcata cunan cancuna uyashpaca, chai mana cazuccuna shina ama shunguta sinchiyachichicchu” ninmi.

HEBREOS 2:3

Shina cacpica cai sumac quishpirinamanta huillashcata yangapi churashpaca, ¿ima shinatac jatun llaquimanta quishpirishunyari? Cai quishpirinataca Apunchic Jesusmi punta huillarca. Chaimantami pai huillashcata uyaccunaca chashnatac cashcata yachashpa, ñucanchicman huillarca.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

SAN MATEO 12:18

“Caipimi ñuca acllashca servicca. Paitami ñucaca c'uyani. Paihuanmi cushicuni. Paimanmi ñuca Espiritutaca cusha. Chashna cucpica, tucui llactacunapimi ñuca cashcata ruhuashpa mandana cashcataca huillanga.

MARCOS 1:11

Shinallatac jahua pachamanta rimashpaca: “Canmi ñuca c'uyashca Churica cangui. Canllami ñucataca cushichingui” nishcami uyarirca.

SAN LUCAS 9:34

Chashna nicucllapitacmi, p'uyu shamushpa paicunandic llanducpica mancharircacuna.

SAN JUAN 12:28

¡Taitalla, can imatapish ruhuaclla cashcataca ricuchiyari!— nirca. Shina nicpi jahua pachamantaca: —Ña ricuchishcanimi. Cutinpish ricuchishami— nishcami uyarirca.