SAN LUCAS 9:30 - Nuevo Testamento en Quichua Cañar 1996

³⁰ Chaipica ishcai runacuna Jesushuan parlanacucucmi ricurircacuna. Chai runacunaca shucca Moisés, shucca Eliasmi carca.

Dios Rimashcata Quillcashcami

³⁰ Chaipica ishcai runacunami Jesus-huan parlanacucurca. Paicunaca shucca Moisés, shucca Eliasmi carca.

SAN LUCAS 9:30 Referans Kwoze

SAN JUAN 1:17

Taita Diosca Moisesmanca mandashcacunatami curca. Ashtahuanpish Dios ima shina cashcata shinallatac c'uyac cashcataca, Apunchic Jesucristomantami ricuchirca.

SAN LUCAS 24:44

Ña micushca q'uipami, Jesusca paicunataca: —Ñuca manarac llaquita apashpami, ima tucuna cashcataca cancunaman huillacurcani. Moisés mandashcacunapipish, Diosmanta ñaupa huillaccuna quillcashcacunapipish, Salmocunapipish ñucamanta tucui imalla nishcacuna pactachunmi, chashnaca tucurca— nirca.

SAN LUCAS 24:27

Chashna nishpaca, Moisés quillcashcamanta callarishpa, tucui ñaupa huillaccuna quillcashcacamanmi, Dios quillcachishcapi paimanta imalla nishcacunataca huillashpa, alli entendichirca.

SAN LUCAS 9:19

Chashna tapucpi paicunaca: —Maijancunaca: “Bautizac Juanmi canga” nincunami. Maijancunaca: “Diosmanta ñaupa huillac Eliasmi canga” nincunami. Shinallatac maijancunaca: “Diosmanta ñaupa huillaccunamanta maijancharimi causarimushca canga” nincunami— nircacuna.

SAN LUCAS 1:17

Chashnallatac Quishpichicta ñaupashpami ringa. Ñaupa huillac Elías shina, Diospac Espirituhuan cashpami, imatapish ruhuaipaclla canga. Chashna cashpami, taitacuna huahuacunahuan p'iñanacushcatapish alli shunguta ruhuanga. Mana uyashun nic, sinchi shungu gentecunatapish alli causachun, shinallatac allita ruhuaccuna cachunmi, yuyaita cunga. Chashna ruhuacpimi, Quishpichic shamucpica, alli chasquinalla tucungacuna— nirca.

SAN LUCAS 9:29

Jesús ña Taita Diosman mañacushpaca, ñahuipish shuctac laya tucushpa, churanapish yuranlla jagan nicucmi ricurirca.

SAN LUCAS 9:31

Paicunaca sumaimana achiclla chaupipi, Jesús ima shina Jerusalenpi huañuna cashcatami parlanacurcacuna.