SAN LUCAS 9:18 - Nuevo Testamento en Quichua Cañar 1996

¹⁸ Chai q'uipami Jesusca paipac yachacuccunallahuan cashpa, Taita Diosman mañacurca. Chashna mañashca q'uipami, Jesusca yachacuccunataca: —Gentecunaca, ¿pi cashcatatac ñucataca yuyancuna?— nishpa tapurca.

Dios Rimashcata Quillcashcami

¹⁸ Shuc punzha, Jesús pailla Diosta mañacushpa, paipac yachacuccunataca: —Gentecunaca, ¿pi cashcatatac ñucataca yuyancuna?— nirca.

SAN LUCAS 9:18 Referans Kwoze

SAN LUCAS 11:1

Shuc punzhami Jesusca Taita Diosman mañacurca. Ña mañashca q'uipaca shuc yachacucca: —Apunchic Jesús, Bautizac Juan ima shinami paipac yachacuccunaman yachachic carca, shinallatac ñucanchicmanpish Taita Diosman mañanata yachachi— nirca.

SAN MATEO 26:36

Chai q'uipami Jesusca, paipac yachacuccunahuan Getsemaní huertaman rirca. Chaiman chayashpaca: —Chainicpi ñuca Taita Diosman mañangacaman, cancunaca caillapi tiyacuichic— nirca.

SAN MATEO 14:23

Shina “caya minchacaman” nishca q'uipaca, pailla urcuman rishpami, Taita Diosman mañagrirca. Chaipica tutayangacamanmi pailla carca.

SAN LUCAS 3:21

Juanca Herodes manarac carcelpi churacpimi, tucui chaipi cac gentecunata bautizacushpaca Jesustapish bautizarca. Jesús ña bautizarishpa Taita Diosman mañacucpimi, jahua pacha pascarirca.

SAN LUCAS 6:12

Chai punzhacunapimi Jesusca Taita Diosman mañangapac urcuman rirca. Chaipica tucui tutami Taita Diosman mañarca.

SAN LUCAS 9:19

Chashna tapucpi paicunaca: —Maijancunaca: “Bautizac Juanmi canga” nincunami. Maijancunaca: “Diosmanta ñaupa huillac Eliasmi canga” nincunami. Shinallatac maijancunaca: “Diosmanta ñaupa huillaccunamanta maijancharimi causarimushca canga” nincunami— nircacuna.

SAN LUCAS 9:28

Chashna nishcamanta pusac punzha shinapimi, Jesusca Pedrohuan, Juanhuan, Jacobohuan Taita Diosman mañangapac urcuman rirca.

SAN LUCAS 9:29

Jesús ña Taita Diosman mañacushpaca, ñahuipish shuctac laya tucushpa, churanapish yuranlla jagan nicucmi ricurirca.