SAN LUCAS 9:11 - Nuevo Testamento en Quichua Cañar 1996

¹¹ Paicuna chaiman rishcata tucui gentecuna yachashpami, Jesusta c'atishpa rircacuna. Shina c'atishpa chayacpimi, cushilla chasquishpa Jesusca Taita Dios mandacucmanta huillarca, shinallatac ungushcacunatapish alliyachircami.

Dios Rimashcata Quillcashcami

¹¹ Chaita gentecuna yachashpami, catishpa rirca. Chaipimi Jesusca cushilla chasquishpa, Dios mandacucmanta huillashpa, ungushcacunatapish alliyachirca.

SAN LUCAS 9:11 Referans Kwoze

HEBREOS 4:16

Chaimanta c'uyac Dios ñucanchicta llaquichun, shinallatac ima llaquihuan cacpipish paipac jatun c'uyaimanta ayudachun, paipacman tucui shunguhuan cuchuyashpa mañashunchic.

2 TIMOTEO 4:2

Alli huillaitaca uyasha nicpi, mana uyasha nicpipish huillacunguilla. Mana p'iñarishpa alli yachachishpa rimacuilla, cunacuilla nishpami mingani.

ROMANOS 15:3

Shinallatac Cristopish pailla alli canataca mana munarcachu, ashtahuanpish Dios quillcachishcapi nishca shinaca: “Rimaccuna canta c'amishpa rimashpaca, ñucataracmi rimancuna” nishcami pactarca.

ROMANOS 10:14

¿Ima shinatac Jesusta manarac cric cashpaca, paitaca mañangacunayari? Paimanta pipish mana huillacpica, ¿ima shinatac cringacunayari? Shinallatac pi mana huillacpica, ¿ima shinatac uyangacunayari?

HECHOS 28:31

Taita Dios mandacucmanta huillashpa, Apunchic Jesucristomantapish yachachic carca. Pi mana jarcashcami, pai tucui huillasha nishcataca huillac carca.

SAN JUAN 6:37

Ñuca Taita ñucaman cushcacunallami ñucapacmanca shamun. Chai shina shamuccunataca manatac cutichishpa cachashachu.

SAN JUAN 4:34

Shina nicpi, Jesusca cashnami nirca: —Ñuca micuna shinaca ñucata cachac Taita Diospac munaita ruhuanami, shinallatac pai imata ruhuachun nishcata tucuchinami.

SAN LUCAS 9:2

Chaimantaca Taita Dios mandacucmanta huillagrichunpish, shinallatac ungushcacunata alliyachichunpish cacharcami.

SAN LUCAS 8:10

Chashna tapucpica: —Taita Diosca pai mandacucmanta pimanpish mana yachachishcatami, cancunamanca yachachishca. Cutin shuccunamanca paicuna mashnata ricushpapish, mana ricushca shinallatac ama ricuchun, mashnata uyashpapish, mana uyashca shinallatac ama yuyaita japichunmi, cashna yuyaita japina parlocunallahuan yachachini.

SAN LUCAS 8:1

Chai q'uipami Jesusca tucui pueblocunapipish, uchilla llactacunapipish Taita Dios mandacucmanta alli huillaita huillashpa, paipac chunga ishcai yachacuccunandic puricurca.

SAN LUCAS 5:31

Chashna nicpimi Jesusca: —Mana ungushca allicunaca jambictaca mana mashcanchu, ashtahuanpish ungushcacunallami jambicta mashcancuna.

SAN LUCAS 1:53

Yarcaihuan caccunamanca, allicunatami achcata carashca. Chayuccunataca, chushac maquitami cutichishpa cachashca.

SAN MATEO 21:43

Chashna cashcamantami Taita Diosca cancunata mandanata saquishpa, caishuc paita cazuccunallata mandanga.

SAN MATEO 21:31

Cai ishcaicunamantaca, ¿maijantac taita mandashcataca ruhuarca?— nishpa Jesús tapucpica, paicunaca: —Punta churiyari— nircacuna. Shina nicpi Jesusca: —Chai shinallatacmi Taita Dios mandacucmanca, Roma*f** llactaman impuestota japiccuna, shinallatac huaclli huarmicunarac cancuna manarac yaicucpi yaicungacuna. Chaica chashnatacmi.

SAN MATEO 14:14

Jesús canoamanta uricushpaca, achca gentecunata ricushpami, mai llaquirirca. Paicunapurapica ungushcacunata alliyachircami.

ROMANOS 10:17

Shinashpaca huillashcata uyashcamantami crincuna. Chai uyashcaca Cristomanta huillashcami.

SAN MATEO 12:15

Chashna ninacucta Jesús yachashpa chaimanta ricpica, achca gentecunami c'atishpa rircacuna. Jesusca tucui ungushcacunatami alliyachirca.

SAN LUCAS 9:10

Jesús cachashca huillaccuna cutimushpaca, tucui imalla ruhuashcatami paimanca parlarcacuna. Chai q'uipami Jesusca paicunallahuan Betsaida pueblo cuchullaman rirca.

SAN LUCAS 9:12

Ña tutayagricpimi, chunga ishcai yachacuccuna paipacman cuchuyashpaca: —Cai shitashca pambapica, imapish mana tiyanchu. Cai tucui gentecuna chai chimba asha huasicuna tiyacpipish, cuchulla llactacunapipish micunatapish, samarinatapish mashcagrichunca, paicunataca cachaiyari— nircacuna.