SAN LUCAS 8:9 - Nuevo Testamento en Quichua Cañar 1996

⁹ Jesús chashna nishca q'uipami, paipac yachacuccunaca: —Cashna parlashpaca, ¿imatatac nisha ninguiyari?— nircacuna.

Dios Rimashcata Quillcashcami

⁹ Yachacuccuna Jesusta tapushpaca: —¿Cai chimbapurashca parloca, imatatac nisha nin?— nishpa tapurca.

SAN LUCAS 8:9 Referans Kwoze

MARCOS 4:10

Chashna yachachishca q'uipaca, Jesús pailla saquiricpimi, paipac chunga ishcai yachacuccunapish, paicunahuan caccunapish: —Chai yuyaita japina parloca, ¿imatatac nisha nin?— nishpa, Jesusman tapurcacuna.

SAN MATEO 13:18

Tarpuc runamanta chimbapurashpa parlashca imata nisha nishcata, cancunaca alli uyaichic:

SAN MATEO 13:10

Chashna parlashca q'uipami, paipac yachacuccunaca Jesuspacman cuchuyashpaca: —Gentecunamanca, ¿imamantatac cashna yuyaita japina parlocunahuan parlangui?— nishpa tapurcacuna.

SAN JUAN 15:15

Amopacta ruhuacca amo imata ruhuacushcata mana yachanchu. Chaimantami serviccunalla nishpaca, mana cancunataca c'ayani. Ñuca Taita tucui ima nishcacunata ñuca cancunaman huillashcamantami, ñucahuan apanacuccuna nishpa cancunataca c'ayani.

MARCOS 4:34

Paicunamanca yuyaita japina parlocunallahuanmi imatapish yachachirca. Paipac yachacuccunallahuan cashpaca, ima nisha nishcatapish tucuimi entendichirca.

SAN MATEO 15:15

Chai q'uipami Pedroca Jesustaca: —Ñacaman yachachishca, imata nisha nishcataca ñucanchicman huillaiyari— nirca.

SAN MATEO 13:36

Jesusca tucui gentecunata “caya minchacaman” nishpaca, huasimanmi yaicurca. Chaipimi paipac yachacuccuna cuchuyashpaca: —Trigopi huiñashca chai mana alli q'uihuamanta chimbapurashca parlo imata nisha nishcata yachachiyari— nircacuna.