SAN LUCAS 8:43 - Nuevo Testamento en Quichua Cañar 1996

⁴³ Chaicunapurapica, chunga ishcai huatata yahuar cacharirishpa causac ungushca huarmimi c'aticurca. Chai huarmica jambiccunapacpi jambiricushpallami, tucui charishcacunata tucuchishca carca. Pi jambicpish paitaca mana alliyachishcachu carca.

Dios Rimashcata Quillcashcami

⁴³ Chaipica, chunga ishcai huatata yahuar cacharirishpa causac ungushca huarmimi caticurca. Chai huarmica jambiccunapacman ricushpallami, tucui charishcacunata tucuchishca carca. Pi mana alli pudishcachu carca.

SAN LUCAS 8:43 Referans Kwoze

SAN LUCAS 13:16

Cai huarmicarin, ñaupa taita Abrahampac huahua huahuapuramantami. Paitaca Satanasmi*f** chunga pusac huatata ung:uihuan huatashpa charicushca. Paitaca samana punzha cacpipish, ¿manachu ung:uimanta cacharichina cani?— nirca.

SAN JUAN 9:1

Jesús chaimanta rishpaca, huacharishca pachamanta ñahui mana ricuc shuc runatami ricurca.

SAN LUCAS 13:11

Chai ucupica chunga pusac huatata c'urcuyashpa, ima shina mana derecharic huarmimi tiyacurca. Chai huarmica supai japishca cashcamantami, chashna ungushca carca.

SAN LUCAS 8:27

Ña chai llactaman chayashpa, canoamanta Jesús uricucpica, pueblomanta shuc runami ñapish Jesuspac cuchuman shamurca. Chai runaca unai huatacunatami supaicuna japishca carca. Chashna cashpami churanapish illaclla, huasipipish mana causashpa, panteonllapimi causac carca.

HECHOS 4:22

Pi mana alliyachipacta alliyachishca runaca, chuscu chunga huata yallitami charirca.

HECHOS 3:2

Chai huasiman yaicuna Sumac nishca pungupimi, huacharishca punzhamanta pacha mana puric runa chaiman yaicuccunaman imallatapish mañashpa tiyac carca. Chai runataca chai pungumanmi punzhanta apac carcacuna.

SAN JUAN 9:21

Shina cashpapish ima shina cunan pai ricucushcatapish, pai ricuchun pi ñahuita alliyachishcatapish, ñucanchicca mana yachanchicchu. Paillamantac tapuichic. Paica ña juizhu runami. Paimi ima cashcatapish ninga— nircacuna.

MARCOS 9:18

Chai supaimi maipipish japishpa, pambaman urmachinlla. Shina urmachicpica, shimiman puscuta shitashpa, quirucunapish canirishpa, mana cuyurishpami tigrashpa saquirin. Ñami cambac yachacuccunamanca, ‘supaita llucchishpa cachashpa cuichic’ nishpa mañarcani. Shina nicpipish, paicunaca mana pudircacunachu— nirca.

MARCOS 12:44

Caipi cunan churacuc chayucccunaca puchushcallatami cushcacuna, ashtahuanpish cai huarmica paipac causaipac ashallata charishpapish, Taita Diosmanca tucuimi cushca— nirca.

SAN LUCAS 8:42

Chai runaca ancha ungushca, chunga ishcai huatayuc shuclla ushitami charirca. Jesús ña Jairohuan ricucpi, achca gentecunami paihuan pacta ñitirinacushpa ricurcacuna.

SAN LUCAS 8:44

Chai huarmi huashata shamushpa, Jesuspac churana puntapi tuparicpica, yahuar shamunaca jarcarircallami.