SAN LUCAS 8:2 - Nuevo Testamento en Quichua Cañar 1996

² Shinallatac maijan huarmicunapish c'aticurcacunami. Paicunatami maijancunataca supaicunata llucchishpa, maijancunataca ung:uicunamantapish Jesusca alliyachishca carca. Chai huarmicunapurapica, Magdala pueblomanta Mariapish carcami. Chai huarmimantami Jesusca canchis supaicunata llucchishca carca.

Dios Rimashcata Quillcashcami

² Maijan huarmicunapish caticurcami. Maijan paicunamantami Jesusca supaicunata llucchishca carca. Maijancunataca ungüicunamantami alliyachishca carca. Chai huarmicunapurapica, Magdala pueblomanta Mariapishmi carca. Paimantami Jesusca canchis supaicunata llucchishca carca.

SAN LUCAS 8:2 Referans Kwoze

MARCOS 16:9

[Jesús causarishpaca, semana callari domingo punzha ña pacarimucucpimi, Magdala pueblomanta Mariaman punta ricurirca. Chai Mariamantami Jesusca canchis supaicunata llucchishca carca.

SAN JUAN 19:25

Jesusta chacatashca cruz cuchupica paipac mamapish, paipac mamapac ñañanpish, Cleofaspac huarmi Mariapish, shinallatac Magdala pueblomanta Mariapish carcami.

HECHOS 1:14

Tucui paicunami Jesuspac huauquicunahuanpish, paipac mama Mariahuanpish, shinallatac caishuc huarmicunahuanpish Taita Diosman mañangapac tandanacuclla carcacuna.

SAN LUCAS 23:55

Galilea llactamanta Jesushuan shamushca huarmicunapish Joseta c'atishpa rishpami, Jesuspac cuerpota ima shina sepulturapi churacta ricucurcacuna.

SAN LUCAS 23:49

Jesuspac tucui ricsishcacunapish, Galilea llactamanta Jesushuan shamuc huarmicunapish carullapi shayashpami, chai tucuitaca ricucurcacuna.

SAN LUCAS 23:27

Chashna pushashpa ricucpica, achcacunami c'aticurcacuna. Achca huarmicunapish Jesusta llaquishcamanta caparishpa, huacashpami c'aticurcacuna.

SAN LUCAS 8:30

Chai runatami Jesusca: —¿Ima shutitac cangui?— nishpa tapucpica: —Ñucaca Huaranga Huaranga shutimi cani— nirca. Huaranga huaranga supaicuna japishca cashcamantami, paica chashna nirca.

MARCOS 16:1

Samana punzha*f** tutayamucucpimi, Magdala pueblomanta Mariapish, Jacobopac mama Mariapish, shinallatac Salomé huarmipish mishquilla ashnacucta Jesuspac cuerpopi churangapac randircacuna.

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.