SAN LUCAS 8:12 - Nuevo Testamento en Quichua Cañar 1996

¹² Ñanpi urmashca muyu shinaca, uyaccunami. Paicuna uyashpa, ama crishpa quishpirichunmi, Satanás*f** shamushpa cungachin.

Dios Rimashcata Quillcashcami

¹² Ñanpi urmashca muyuca uyaccunami. Shina uyacpipish, paicuna crishpa ama quishpirichunmi, Satanás shamushpa cungachin.

SAN LUCAS 8:12 Referans Kwoze

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

MARCOS 4:15

Alli huillaica, maijan gentecunapica ñanpi urmashca muyu shinami tucun. Quishpirinamanta huillashcaca paicunapac shungupica tarpushca shinami can, ashtahuanpish chai uyashcataca Satanás*f** shamushpa cungachinllami.

SAN MATEO 13:19

Ñanpi urmashca muyu shinaca, maijanpish Taita Dios mandacucmanta huillacpi, uyashpa mana entendiccunami. Chashna cacpimi, Taita Dios rimashca shimita paicunapac shungupi chasquishcataca, diablo shamushpa chingachinlla.

SAN LUCAS 8:5

“Shuc tarpuc runami muyuta jichangapac llucshirca. Muyuta pai jichacucpica, asha muyuca ñanpimi urmarca. Ñanpi urmashca muyu sarurishpa siricucpimi, zhutacuna shamushpa mururca.

SAN MATEO 13:4

Muyuta pai jichacucpica, maijan muyuca ñanpimi urmarca. Ñanpi urmashca muyutaca, zhutacuna shamushpa mururcami.

SAN LUCAS 8:11

Cai ñuca parlashcaca, cashnami nisha nin: Muyu shinaca, Dios rimashca shimimi.

SAN LUCAS 8:13

Rumi allpapi urmashca muyu shinaca, Dios rimashca shimita huillacpi cushilla chasquiccunami. Shina cashpapish mana ucuta sapiyashca shina cashpami, ashacamanlla crincuna. Llaquicuna japicpica, ña mana c'atishun nishpa saquirincunallami.