SAN LUCAS 6:25 - Nuevo Testamento en Quichua Cañar 1996

²⁵ ¡Aij, cancuna cunan mana nicta micushpa causaccunalla, shuc punzhaca yarcaihuan imachari tucunguichic! ¡Aij, cancuna cunan cushicushpa asiccunalla, shuc punzhaca achca llaquihuanmi huacanguichic!

Dios Rimashcata Quillcashcami

²⁵ ¡Cunan mana nicta micuccunalla, imachari tucunguichic! Cancunaca yarcaihuanmi canguichic. ¡Cunan cushicushpa asiccunalla, llaquihuanmi huacanguichic!

SAN LUCAS 6:25 Referans Kwoze

SANTIAGO 4:9

¡Chaimanta llaquirichic, nanarichic, huacaichic, asinapac randica huacaichic! ¡Cushicunapac randica llaquirichic!

APOCALIPSIS 3:17

Shina cashpapish cancunaca ‘chayuccunami canchic, imapish mana illanchu, tucuipimi alli ricurinchic’ nishpami niricunguichic. Cancunaca imatapish mana charic, lluchulla, ñahui mana ricuc, misa, pipish mana c'uyashca cashcataca mana yachanguichicchu.

1 TESALONICENSES 5:3

Gentecunaca: “Alli sumactami causacunchic” nicucpica, jatun llaquica huicsa junda huarmita huachana nanai japic shinami cungailla japinga. Chai jatun llaquimantaca pipish mana quishpiringachu.

EFESIOS 5:4

Pinganayaipac shimicunatapish, mapa yangalla pandachic shimicunatapish ama rimarichicchu. Chaicunata rimarinapac randica, Diosman mañashpa pagui ninami alli.

SAN LUCAS 13:28

Ñaupa taita Abrahamtapish, Isaactapish, Jacobotapish, ñaupa tucui huillaccunatapish Taita Dios maipi mandacucpi tiyacucta ricushpa, cancuna canzhaman shitashca cashpaca, quirucuna canirishpami huacacunguichic.

SAN LUCAS 12:20

Ashtahuanpish Taita Dios paitaca: ‘Yuyai illac runa, cunan tutallatacmi huañungui. Cai tucui huacaichishcacunaca, ¿pipacshi canga?’ nirca.

SAN LUCAS 8:53

Chashna nicpica, ña huañushca cashcata yachashcamantami, tucui chaipi caccunaca paita asircacuna.

SAN LUCAS 6:24

¡Aij, cancuna cunan punzha charishcallahuan cushicuccunalla, ñami cancunaca cushicushcanguichic!

SAN LUCAS 6:26

¡Aij, tucui gentecunapac ñaupapi alli nishcacunalla, imachari tucunguichic! Chai gentecunapac ñaupa taitacunapish, llullashpa huillaccunataca chashnallatacmi alli nircacuna.