SAN LUCAS 5:8 - Nuevo Testamento en Quichua Cañar 1996

⁸ Caita ricushpa Simón Pedroca Jesuspac ñaupapi cungurishpami: —Apunchic Jesús, ñucaca juchasapami cani. Chashna cashcamanta ñucamanta anchurilla— nirca.

Dios Rimashcata Quillcashcami

⁸ Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

SAN LUCAS 5:8 Referans Kwoze

APOCALIPSIS 1:17

Chaita ricushpaca, huañushca shinami paipac chaqui pambaman urmarcani. Shina cacpipish paipac alli maquita ñuca jahuapi churashpaca, cashnami nirca: —Ama mancharichu. Ñucami tucuita callarichicpish, tucuchicpish cani.

SAN MATEO 17:6

Yachacuccuna chaita uyashpaca, manchaihuanmi cumurishpa, allpacaman cumurircacuna.

SAN JUAN 11:32

Jesús maipi cashcaman María chayashpa Jesusta ricushpaca, paipac chaquipi cungurishpami: —Apunchic Jesús, can caipi cashca cacpica, ñuca turica mana huañunmanchu carca— nirca.

SAN MATEO 8:8

Shina nicpi soldadocunata mandacca: —Apunchic Jesús, ¿ñuca ima alli cacpitac, ñuca huasimanca risha ninguiyari? Can caimanta alliyachun nillari. Chashna nicpica, ñuca servicca alliyangallami.

SAN MATEO 2:11

Paicuna chai huasiman ña yaicushpaca, mama Mariandic chai huahuata ricushpami, huahuataca cungurishpa “allimari cangui” nircacuna. Shinallatac paicuna apashpa rishcata pascashpami, achca valishca curita, inciensota, shinallatac mirratapish*f** curcacuna.

1 CORINTIOS 13:12

Cunanca espejopi amsa amsallata ricucushca shinallami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca ñucaca ima shina cashcatatacca mana yachanichu. Shina cashpapish, ima shinami Taita Dios ñucata ricsin, shinallatacmi shamuc punzhaca ricsisha.

SAN LUCAS 5:7

Chaimanta mana llucchi pudishpami, shuc canoapi caccunata llucchinacuchun maquihuan c'ayarcacuna. Chashna c'ayacpi shamushpaca, ishcai canoacunapimi ucuyanalla tucucta pescadocunataca jundachircacuna.

SAN LUCAS 5:9

Chashna achca pescadocunata japishcamantami Simonpish, tucui paihuan chaipi caccunapish munai mancharishpa mana amirircacuna.