SAN LUCAS 5:5 - Nuevo Testamento en Quichua Cañar 1996

⁵ Shina nicpi Simonca: —Yachachic, tucui tutapish imata mana japircanchicchu. Shina cacpipish can nishcamanta, linchicunata shitashpa ricushun— nishpami, chaupi cuchaman rishpa shitarca.

Dios Rimashcata Quillcashcami

⁵ Shina nicpimi Simonca: —Yachachic, tucui tutapish imata mana japircanchicchu. Shina cacpipish can nishcamanta, shitashpa ricushun— nirca.

SAN LUCAS 5:5 Referans Kwoze

SAN JUAN 2:5

Shina nicpi, serviccunata paipac mamaca: —Tucui pai ima nishcata ruhuanguichic— nirca.

SAN JUAN 15:14

Ñuca mandashcacunata pactachishpaca, ñucahuan apanacuccunami cancunaca canguichic.

SAN JUAN 21:3

Chaipi cashpami Pedroca: —Ñucaca pescadotami japigrini— nirca. Chashna nicpi, caishuc yachacuccunaca: —Ñucanchicpish canhuan pescadota japingapac rishun— nirca. Chashna ninacushpami, canoapi huichicushpa rirca. Shina rishpapish, chai tutaca ima pescadota mana japircacunachu.

SAN LUCAS 8:24

Chashna tucucpimi, yachacuccuna Jesuspacman cuchuyashpaca: —¡Yachachic, Yachachic, ñami ucuyagrinchic!— nishpa ricchachircacuna. Chashna nicpi Jesús riccharishpa, huairatapish yacutapish: —¡Casilla cai!— nirca. Chashna nicpica huairapish, yacupish casilla tucurcallami.

SAN LUCAS 17:13

Chai ungushcacunaca: —¡Yachachic Jesuslla, ñucanchicta llaquiyari!— nishpami caparircacuna.

SAN LUCAS 9:33

Ña chai ishcai runacuna Jesuspacmanta caruyacpica, Pedroca: —Yachachic, ñucanchicca allimi caiman shamushcanchic. Cunanca quimsa chucllacunatami ruhuashun ninchic, shuctaca canman, shuctaca Moisesman, shuctaca Eliasman— nirca. Ashtahuanpish Pedroca pai ima nicushcata mana yacharcachu.

SAN LUCAS 9:49

Chashna nishca q'uipami, Jesuspac yachacuc Juanca: —Yachachic, shuc runatami cambac shutipi supaicunata llucchishpa cachacucta ricurcanchic. Mana ñucanchicpura cashcamantami, paitaca: ‘Ama chashna ruhuaichu’ nishpa jarcarcanchic— nirca.

SAN LUCAS 8:45

Chashna tuparicpimi Jesusca: —¿Pitac ñucapi tuparinchu, imami?— nirca. Shina tapucpi tucui gentecunaca: —Pi mana tuparinchicchu— nircacuna. Shina nicpi Pedropish, paihuan caccunapish: —Yachachic, cai tucui gentecunami ñitirinacun. ¿Chashna cashca jahuachu ‘¿pitac tuparin?’ ningui?— nircacuna.