SAN LUCAS 4:6 - Nuevo Testamento en Quichua Cañar 1996

⁶ Chashna ricuchishpaca: —Cai tucui sumac llactacunata mandanataca, ñucamanmi cushca. Chaimanta ñucaca piman cusha nishpapish cushallami.

Dios Rimashcata Quillcashcami

⁶ Chashna ricuchishpaca: —Cai tucui sumac llactacunata mandanataca ñucamanmi cushca. Chaimanta ñucaca piman cusha nishpaca cushallami.

SAN LUCAS 4:6 Referans Kwoze

EFESIOS 2:2

Chashnami cancunaca cai pacha ima millaita c'atishpa, huairapi puric mandac millai espíritu munashcata ruhuashpa causacurcanguichic. Chai espiritumi Taita Diosta mana cazuccunataca mana allita ruhuachishpa mandacun.

SAN JUAN 14:30

Cai pachata mandac shamucushcamantaca, cancunahuanca mana ashtahuan parlacushallachu. Shina cacpipish ñucahuanca paica imata mana ricunata charinchu.

SAN JUAN 12:31

Cunanmi cai pachapi causaccunata taripashca cagrin. Shinallatac cunanllatacmi cai pachata mandactapish llucchishpa shitashca cagrin.

1 JUAN 5:19

Ñucanchicca Taita Diospac huahuacuna cashcatami yachanchic, shinallatac cai pachapaclla causaccunataca diablo mandacushcatapish yachanchicmi.

APOCALIPSIS 13:7

Shinallatac Diospaclla caccunahuan macanacuchunpish, mishachunpish saquircami. Tucui aillucunata, tucui laya rimaita rimaccunata, tucui laya gentecunata, shinallatac tucui cai pacha llactacunata mandachunpish saquircami.

APOCALIPSIS 13:2

Chai ñuca ricushca manchana animalca tigreman ricchami carca. Chaquica osopac chaqui shinami carca. Shimipish leonpac shimi shinami carca. Dragonmi pai shina mandashpa tiyarinatapish, imata ruhuaclla canatapish, shinallatac mandanatapish chai manchana animalman curca.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

1 PEDRO 1:24

Dios quillcachishcapica: “Tucui gentecunaca q'uihua shinallami. Paicuna ‘jatunmi cani’ nishcapish, sisashca q'uihua shinallami. Q'uihua chaquiricpica, sisaca urmanllami.

2 CORINTIOS 11:14

Caicunata ricushpaca, mana mancharinachu. Satanasllatacmi*f** achic nicuc ángel shina tucunlla.

SAN JUAN 8:44

Cancunapac taitaca diablomi. Cancunaca pai shinami canguichic. Pai shina cashpami, pai munashcata ruhuashun ninguichic. Callarimanta pachami diabloca huañuchic cashca. Paica imapish cashcata ruhuana munaitaca jaicapi mana charishcachu. Shina cashpami, paica cai pachapipish llullacunlla. Paica llullanata callarichic cashcamantami, llullapac taitaca can. Pai llullashpaca, pai ima shina cashca shinallatacmi llullan.

SAN LUCAS 4:7

Can ñucata cungurishpa ‘allimari cangui’ nicpica, tucui caicunata canman cushallami— nirca.