SAN LUCAS 3:14 - Nuevo Testamento en Quichua Cañar 1996

¹⁴ Shinallatac maijan soldadocunapish: —Ñucanchicca, ¿imatatac ruhuana canchic?— nirca. Shina tapucpimi Juanca: —Pitapish macanahuan manchachishpa, mana quichunachu canguichic. Cullquita japingaraicu, pitapish mana yanga juchanchinachu canguichic. Mashna cullquita japicushcallahuan cushilla caichic—nirca.

Dios Rimashcata Quillcashcami

¹⁴ Maijan soldadocuna tapushpaca: —Ñucanchicca, ¿imatatac ruhuashun?— nirca. Shina tapucpimi Juanca: —Ama manchachishpa, cullquita cobraichicchu. Ama cullquita japingaraicu, pitapish manchachichicchu. Mashna cullquita japicushcallahuan cushilla caichic— nirca.

SAN LUCAS 3:14 Referans Kwoze

FILIPENSES 4:11

Chashnaca cancuna ñucaman imallata cuchun nishpaca mana ninichu, ashtahuanpish ñucapac ima tiyashcallahuan cushi causanatami yachacushcani.

SAN LUCAS 19:8

Chai q'uipami Zaqueoca jatarishpa, Apunchic Jesustaca cashna nirca: —Apunchic Jesús, ñuca charishcacunamantaca chaupitami huacchacunaman cugrini. Shinallatac maijancunamanta umashpa shuhuashcatapish, chuscu cutin yallihuanmi cutichisha nini— nirca.

APOCALIPSIS 12:10

Shina tucushca q'uipaca jahua pachamanta sinchita caparishpaca: —Cunan punzhami quishpirinapish, Taita Diospac imata ruhuanapish, Taita Dios mandanapish, pai cachashca Quishpichic Cristo mandanapish chayamun. Tutapish, punzhapish Diospac ñaupapi ñucanchic shina criccunata juchanchishpa llaquichictaca ñami caimanta llucchishpa shitashca.

TITO 2:3

Shinallatac ñaupa huiñai huarmicunataca criccuna ima shinami causana shinallatac causashpa, mana huashalla parlaric, mana machac, ashtahuanpish allita yachachishpa causachun yachachingui.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

HECHOS 10:7

Ña chai ángel ricpi, Cornelioca ishcai servic runacunata, shinallatac soldadocunamantaca paitapish, Diostapish alli cazuc shuc soldadotami c'ayarca.

SAN MATEO 8:5

Ña Capernaum puebloman Jesús chayagricucpimi, Roma* llactamanta pasac soldadocunata mandacca Jesuspacman cuchuyashpaca:

SAN LUCAS 3:10

Shina nicpi chaipi caccunaca: —Shinashpaca, ¿imatatac ruhuana canchic?— nishpa tapurcacuna.

SAN LUCAS 3:13

Chashna tapucpi Juanca: —Impuestotaca mashnata japina cashcallatami japina canguichic— nirca.