SAN LUCAS 23:43 - Nuevo Testamento en Quichua Cañar 1996

⁴³ Chashna nicpimi Jesusca: —Cunanllatacmi jahua pacha sumac llactapica ñucahuan cagringui. Chaica chashnatacmi canga— nirca.

Dios Rimashcata Quillcashcami

⁴³ Chashna nicpimi Jesusca: —Cunanllatacmi jahua pachapi ñucahuan cangui. Chaica chashnatacmi canga— nirca.

SAN LUCAS 23:43 Referans Kwoze

APOCALIPSIS 2:7

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca Diospac llactapi cac causaita cuc yuramantami carasha.

SAN LUCAS 19:10

Runa Tucungapac shamushca*f** ñucaca, juchapi chingarishcacunata mashcashpa, quishpichingapacmi shamurcani— nirca.

SAN JUAN 14:3

Ñuca rishpa cancuna causanata allichishca q'uipaca, ñuca maipimi causani, chaipi cancuna ñucahuan causagrichunmi cutin pushangapac cutimusha.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

SAN JUAN 17:24

Taitalla, cai pacha manarac tiyacpimi, ñucataca c'uyashpa sumacyachishcangui. Chaimantami can cushcacunaca ñuca sumacyachishca cashcata ricuchunca, ñuca maipimi cani chaillapitac paicunapish cachun munani.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

2 CORINTIOS 5:8

Chaimantami paillapi shunguta churashca canchic. Shina cashpapish cai cuerpomanta anchurishpami, Apunchic Jesushuan causagrinata munanchic.

SAN LUCAS 23:42

Shina nishpami chai runaca: —Can mandangapac shamushpaca, ñucataca yuyaringuiyari— nirca.