SAN LUCAS 23:29 - Nuevo Testamento en Quichua Cañar 1996

²⁹ ‘Huahuata charisha nishpa, mana huahuata charic huarmicunapish, manarac huicsayuc tucuccunapish, shinallatac chuchuchiccunapish cushicuichic’ nina punzhacuna chayamungami.

Dios Rimashcata Quillcashcami

²⁹ Chaica: “Huahuata mana chari pudic, mana huicsayuc tucuc, mana chuchuchic huarmicunapish cushicuichic” nina punzhacuna chayamungami.

SAN LUCAS 23:29 Referans Kwoze

SAN MATEO 24:19

Chai punzhacunapi huicsa junda huarmicunapish, chuchuchicuc huarmicunapish, ¡aij, imachari tucungacuna!

SAN LUCAS 11:27

Jesús chashna huillacucpiracmi, paita uyac gentecunapac chaupimanta shuc huarmi caparishpa Jesustaca: —Maijan huarmi cashpapish, canta chuchuchishpa huiñachicmanca, ¡mai cushicuimi!— nirca.

SAN LUCAS 23:28

Chai huacacuc huarmicunata Jesús tigraricushpa ricushpaca: —Jerusalenpi causac huarmicunalla, ama ñucamantaca huacaichicchu, ashtahuanpish cancunallamantatac, cancunapac huahuacunamantapish huacaichic.